Мектепландияға саяхат интеллектуалдық ойын-сабағы

Интеллектуалдық ойын-сабақ

«Мектепландияға саяхат»

Тәрбиеші: Турсынова К.К.

Міндеттері:

1. Сауат ашу, көркем әдебиет, қарапайым математикалық ұғымдарды қалыптастыру ұ.о.і.ә. алған білімдерін бекіту. Логика-математикалық білімдерін тиянақтау (геометриялық пішіндер, логикалық тапсырмалар, есептік тапсырмалар, қағаз бен карта бетіндегі кеңістікті бағдарлау)

2. Қызығушылық пен белсенділіктерін дамыту, сабаққа деген қызығушылықтарын арттыру.

3. Балалардың оқуға деген мотивациясын, ынталарын арттыру. Өзара көмек сезімін, жауапкершілік сезіміне тәбиелеу.

Атрибуттар: Географиялық карта, дүрбі, компас, штурвал, жалаушалар.

Сөздік жұмыс: ұымдарды бекіту «дыбыс», «әріп», «буын», «сөз», «сөйлем», «сан», «математикалық таңбалар», «геометриялық пішіндер».

Алдын ала жүргізілетін жұмыс: дауысты және дауыссыз дыбыстармен таныстыру, сөздерді буынға бөлу, сөйлеммен жұмыс, сөзге дыбыстық талдау жасау, берілген дыбысқа сөз ойлап табу, сандармен, математикалық таңбалармен, геометриялық пішіндермен таныстыру, кеңістікте бағдарлау.

Сабақтың барысы:

ТӘРБИЕШІ:

Балалар мен бүгін қызықты хат тауып алдым, ол хат сендерге арналған екен. Ішінде не жазғанын білгілерің келе ме?

«Сәлеметсіңдер ме, балалар! Біз осы аралдың тұрғындарымыз, сендердің мектепке барғалы жатыр дегендеріңді естіп, осыған орай сендерді құттықтап әрі түрлі тапсырмалары бар аралдарымызды аралап көріп, өздеріңді нағыз оқушы екендеріңді сезініп, білімдеріңді көрсетсеңдер деген оймен шақырып отырмыз».

ТӘРБИЕШІ: «Ержүрек» деген мақтан тұтарлық атауы бар кемемен білім теңізіне аттанамыз. Капитан, саяхат даярлығы туралы баяндауды сұраймын.

КАПИТАН: біздің команда саяхатқа дайын!

ТӘРБИЕШІ: енді біздің жорықтың маршрутымен таныс болайық (картаға жақындайды). Біз балабақша жағалауында тұрмыз. Біз мына Мектепландия жағалауына жетуіміз керек. Осы картаның маршруты бойынша аралдарды түгел аралап, арал тұрғындарының бізге дайындап қойған тапсырмаларын орындауға тырысамыз.

Картаның сипаттамасы:

Бірінші төменгі жағалау – Мектепке дейінгі балалық шақ елі.

Оң жақ жағалау – Мектепландия. Олардың арасында білім теңізі бар. Теңізде көптеген аралдар бар.

Саяхат бізден жинақылық пен тәртіпті талап етеді. Мен теңізшілерден сұрағым келіп тұрғаны, мүмкін, біреулеріңіз күштерңе сенбей күмандарың бар шығар, жағалауда қалғыларың келе ме? Әліде кеш емес.

КОМАНДА: біз дайынбыз!

ТӘРБИЕШІ: жүзуге шығамыз!

Біз «ӘРІПТЕР» аралына жеттік. Бұл аралдың тұрғындары әріптерді өте қатты жақсы көреді екен. Менің қолымда мынандай конверт бар. Бұл конверттің іші толы тапсырма. Тапсырманы жақсы орындасақ аралдан шыға аламыз, егер де дұрыс орындамасақ артқа қайтуға тура келеді. Сондықтан тапсырманы мұқият тыңдап, қойылған сұраққа толық жауап береміз. Тыныштық сақтап, тәртіпті боламыз.

Қызықты тапсырмалар:

Әріп дегеніміз не?

Дыбыс дегеніміз не?

Алфавитте неше әріп бар?

Неше дыбысқа бөлінеді?

Неше дауысты дыбыс бар? Олар қалай айтылады?

Неше дауыссыз дыбыс бар? Олар қалай айтылады?

Неше әріп дыбыс білдірмейді және қандай?

«Жарқыра күн, жарқыра» жаңбыр тамшылары мен бұлттарда жазылған әріптерді дұрыс атап, оларды тақтадан алып тастау керек.

«Адасқан әріп» ойыны. Берілген әріптер қатарынан артығын сызып таста.

А Қ Л Ц Ж Х

О Ю У З А Э

Б У В Т Ь І Ә

Балаларды мадақтау.

ТӘРБИЕШІ:

«ЦИФРИКУС» аралы. Бұл аралдың тұрғындары цифрлар мен есеп шығарғанды жақсы көреді екен. Осы аралдың тұрғындары мынандай тапсырмалар дайындап қойыпты.

1-10 тура санау (қазақша, орысша, ағылшынша)