Мектептен тыс мекемелерге арналған кіріспе сабақ жоспары

Сабақ тақырыбы: Тыныс алу мүшелерін дербес қорғайтын құралдар

Сабақ мақсаты:

1. Білімділік – студенттерді тыныс алу органдарын қорғауға арналған жеке қорғаныс құралдары түрлерімен және оларды қолдану ережелерімен таныстыру.

2. Дамытушылық – студенттердің тыңдай білу және оймен бөлісу қабілеттерін ұштауға, білімін дамытуға мүмкіндік туғызу.

3. Тәрбиелік- студенттерді ұқыптылыққа, зеректілікке, атқаратын жұмысына жауапкершілікпен қарауға, сауаттылыққа тәрбиелеу;

Сабақ түрі: аралас.

Сабақ көрнекілігі: интерактивті тақта, оқулық.

Сабақ барысы: 1. Ұйымдастыру кезеңі (4 мин.)

2. Үйге берілген тапсырманы тексеру (20 мин.)

3. Жаңа тақырыпты түсіндіру (меңгерту) (35 мин.)

4. Жаңа сабақты бекіту (қорытындылау) (20 мин.)

5. Бағалау (6 мин.)

6. Үйге тапсырма (5 мин.)

1. Ұйымдастыру кезеңі:

1. Студенттермен сәлемдесу,

2. Сынып бөлмесінің сабаққа даярлығын тексеру,

3. Студенттерді түгендеу.

2. Үйге берілген тапсырманы тексеру.

1. Еңбек гигиенасы дегеніміз не?

2. Жұмыс орындағы еңбек қауіпсіздігі дегеніміз не?

3. Жұмыс орнындағы еңбек қауіпсіздігі және еңбек қорғаудың қандай шаралары қарастырылған?

3. Жаңа тақырыпты түсіндіру (меңгерту).

Тыныс алу органдарын қорғау құралдары

Бұған газқағарлар, респираторлар, мақта-мата таңғыштары мен шаңнан қорғайтын маскалар, сондай-ақ оқшаулағыш газқағарлары жатады.

Сүзгілік газқагарлардың жұмыс істеу принциптері - ластанған ауаны жұтқан кезде ол сүзгіш-жұтқыш қорапқа түседі, сонда тазаланған соң үстіңгі бөліктің астына және тыныс алу органына түседі, ауа қорапшаны айнала отіп үстіңгі бөліктен үрленген кезде сыртқа шығады.

Бумен газды жұту адсорбация, хемосорбация және катализ арқылы, ал түтін мен тұманды (аэрозольді) жұту сүзу арқылы жүргізеді.

Адсорбция - адсорбент деп аталатын қатты дененің үстіндегі газ бен буды жұту. Сүзгілік газқағарларда активтелген (ағаш) кемір адсорбент болып табылады.

Хемосорбция - УЗ, ҚӘУЗ-дің олардың өңдеу процесінде активтелген көмірге жағылатын химиялық белсенді заттармен ықпалдасуы есебінен жұтылуы.

Катализ - катализатор деп аталатын заттардың ықпалы мен химиялық реакциялар жылдамдығының өзгерісі. Катализатор ретінде мыс, күміс және хром тотығы пайдаланылады.

Түтін мен туманды (аэрозольді) сүзгілеу қалыңтырды құрайтын талшықты материалдан әзірленген түтіннен қорғайтын сүзгімен жүргізіледі.

Халықты қорғау үшін ГП-5 (ГП-5М) және ГП-7 (ГГТ-7В, ГП-7ВМ) сүзгіш газқағары қолданылады.