Мемлекеттік нышандар тәрбие сағаты балабақшаға

Тәрбие сағатының тақырыбы: Мемлекеттік нышандар.

Мақсаты: Балаларды адамгершілікке, патриоттыққа, отансүйгіштікке, мемлекеттік рәміздерді қастерлеуге тәрбиелеу. Балаларға Қазақстан Республикасының рәміздері туралы мағлұматтар беру.

Көрнекіліктер: Қазақстан Республикасының әнұраны, елтаңбасы, туы, слайд.

Сабақтың түрі: жаңа білім беру сабағы.

Сөздік жұмыс: әнұран, елтаңба, ту.

Билингвалды компонент: әнұран – гимн, елтаңба – герб, ту – флаг.

Мотивациялық қозғаушылық: Шаттық шеңбері.

Тәрбиеші: Қаншама ғасыр өмір сүрсе бұл қазақ, Сонша ғасыр ұмтылды ғой елдікке – деп Төле би бабамыз айтқандай егеменді ел атандық. Әр халықтың тарихына, салт-дәстүріне, мәдениетіне байланысты рәміздері болады.

Рәміз дегеніміз –белгілі бір нәрсені өз қолынан өзге жанама сипаттап көрсетуден тұратын сыр – таңба, шартты белгі. 1992 жылы 4 маусымда мемлекетіміздің туы, әнұраны елтаңбасы туралы заң қабылданды.

Музыка: Мишель кіреді. Амандасады, өзін таныстырады, сұрақ – жауап.

Нұрислам: Балалар біз мемлекеттік рәміздерді білеміз ба?

Балалар: - иә, білеміз. - әнұран, елтаңба, ту.

Іңкәр: - олар еліміздің тарихын, дәстүрін, болашағын айқын көрсетеді.

Диас: Біз - Қазақстан Республикасының азаматтарымыз.

Тәрбиеші: - Балалар, біздің жеріміз, орман, тау, өзен-көл, өмір сүретін ортамыз бәрімізге ортақ. Осыны ешқашан естеріңнен шығармаңдар. Елбасымыз – Нұрсұлтан Әбішұлы Назарбаев.

Тәрбиеші: - Біз, қай мемлекетте тұрамыз?

Балалар: - Тәуелсіз Қазақстан Республикасында.

Тәрбиеші: Назарымызды теледидарға аударайық.

Билингвалды компонент: әнұран – гимн, елтаңба – герб, ту – флаг.

Тәрбиеші: Отан деген сөзді қалай түсінесіңдер?

Нұрдәулет: туған жерім, ауылым, отбасы.

Тәрбиеші: Біздің балаларымыздың тақпақтарын тыңдаңыздар.

Нұрислам: Нұрсұлтан ата құтты болсын мерей тойың,

Сомданып, тұлғаланып өскен бойың.

Жер шары әлемдегі барлық елдер,

Біледі Президентіміздің ақыл-ойын.

Седеф: Арманын орындадың бабалардың,

Көтердің көкшіл туын даналардың.

Әміржан: Ұл едің қатарынан артық туған,

Еңбекке жастайынан белін буған.

Танытып әрбір елге белін буған,

Жастарға жалын бердің білім қуған.

Диас: Отан деген - әр адамның жүрегі,

Оған ел де, жер де, су да кіреді.

Отанымды бар әлемге паш еткен,

Президентім-мақтанышым тірегім.

Нұрдәулет: Сәулесі күн шатырлы аспан,

Кең дала төсі толқыған егін.

Көлдері күміс шашқан,

Қазақстан – Республикам менің.