Мемлекеттік рәміздер – ел мәртебесі тәрбие сағаты

«М.Ғабдуллин атындағы жалпы білім беретін орта мектеп-гимназиясы»КММ

Мемлекеттік рәміздер –ел мәртебесі

(ашық тәрбие сағаты)

Өткізген:Кошанова.А.О.

Тақырыбы: Мақсаты:

І.Елтаңба, Ту, Әнұран туралы түсініктерін нығайту.Рәміздердің пайда болуы және тарихтағы маңызы жайлы түсініктерді дамыту.

ІІ. Оқушының есте сақтауын дамыту, өз ойын дұрыс жеткізуге ынталандыру.

ІІІ.Оқушыларды Отансүйгіштікке,адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу.

Сабақтың түрі: Тәрбие сағаты

Көрнекілігі: Рәміздерге байланысты түрлі-түсті суреттер, буклеттер,карта,мақал-мәтелдер, Отанын,жер туралы нақыл сөздер. Қазақстан Республикасының рәміздерін слайд арқылы көрсету.Сабақ барысы: Әнұран орындалады

Кіріспе бөлім:

Біздер тәуелсіз қазақ елінің ең жас ұландарымыз. Сондықтан өз жерімізді, өз елімізді әкелер мен аталарымыз сияқты қадірлеуге,сүюге, қорғауға тиіс екенімізді естен шығармайық.

Отан дегеніміз не?

-Туып өскен жеріміз, егеменді еліміз.

– Табиғатымыз, қазба байлықтарымыз, өзен-көліміз, ұлан байтақ жеріміз, Мемлекеттік тіліміз және басшымыз.

Жақсы балалар, олай болса, «Отан» жайлы мақал-мәтелдер айтып көрейік:

1. Отан отбасынан (басталады)

2. Отан үшін отқа түс, (күймейсің)

3. Отан- елдің анасы, (Ел- ердің анасы)

4. Туған жердей жер болмас, ( Туған елдей ел болмас).

5. Отанды сүю- (отбасынан басталады)

6. Отан оттан да (ыстық)

7. Отансыз адам- ( ормансыз бұлбұл)

8. Отан үшін күрес ( Ерге тиген үлес)

9. Ел іші- (алтын бесік)

10. Тіл- тәуелсіздік (тірегі)

«Отан» жайлы тақпақтар

Оқушы:

Отан менің ата-анам

Отан досым бауырым

Отан өлкем Астанам

Отан аудан ауылым

Жарайсыңдар балалар! Отан жайлы көп біледі екенсіңдер.

Отан –жерім,Отан-суым,

Отан қуат, нәр береді..

Отан-ұран, Отан-туым

Отан мәңгі гүлденеді-демекші, тәуелсіздігіміз тұғырлы болып, еліміздің символы –мемлекеттік рәміздерді қастерлеп, құрметтеу бәріміздің міндетті парызымыз болып саналады.

«Мемлекттік рәміздер –еліміздің егемендігі мен тәуелсіздігін паш ететін нышандар. Бұл рәміздер біздің мемлектіміздің өткені, бүгіні мен болашағы арасындағы сабақтастықтың жарқын бейнесі.

Мемлекеттік рәміздер- халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер.

Ендеше, тәрбие сағатымызды бастаймыз.

«Біз Тәуелсіздігіміздің нышандарын көздің қарашығындай сақтауымыз керек,қасиет тұтуымыз керек. Еліміздің әрбір азаматы Қазақстанның Туын,Елтаңбасын,Гимнін ерекше құрметтеуге міндетті. Өйткені олар халқымыздың мақтанышы,біздің ең киелі құндылықтарымыз.» Н.Ә.Назарбаев.

ҚР Конституциясы - 1995 жылы 30-тамызда қабылданды.

Конституция 9 бөлім, 98 баптан тұрады.9-бап: ҚР мемлекеттік рәміздері – Ту, Елтаңба, Әнұран заңмен бекітілген

Әрбір бала Қазақстан Республикасының Конституциясын және заңдарын сақтауға,басқа адамдардың құқықтарын,бостандығын,ар-ожданы мен қадір қасиетін, Республиканың мемлекеттік нышандарын құрметтеуге, еңбекке жарамсыз ата-анасына қамқорлық жасауға, тарихи және мәдени мұралардың сақталуына қам-қарекет жасауға,тарих және мәдениет ескерткіштерін сақтауға,табиғатты сақтауға және табиғи байлықтарға ұқыпты қарауға міндетті

Оқушы: Қазақстан қасиетті мекенім

Өзіңді жырлап мәңгілікке өтермін

Елім үшін, жерім үшін жан пида

Республикам, Отаным, Атамекенім

Бүгінгі бізің сынып сағатымызда үш топ жұмыс істейді, олар

«Көк аспан» тобы Мемлекеттік Ту туралы,

«Алтын дән» тобы Мемлекеттік Елтаңба туралы және

«Қыран» тобы Мемлекеттік Әнұран туралы жинақтаған деректеріңізді ортаға сала отырып, топ болып жұмыс істеп, мемлекеттік рәміздер туралы жобамызды қорғап шығамыз.

Қазақ халқы көптен күткен тәуелсіздікке қол жеткізді. Егемен мемлекет болды.Әрбір азат елдің өзіңнің тәуелсіздігін білдіретін басты белгілері болады. Солардың бірі Мемлекеттік рәміздер. 1992 жылы 4 маусымда егемен еліміз Қазақстан Республикасының мемлекеттік рәміздері қабылданды.

Олар Қазақстан Республикасының әнұраны,

Қазақстан Республикасының мемлекеттік елтаңбасы,

Қазақстан Республикасының туы.Туымен-Тұғырлы, Елтаңбасымен- Еңселі, Әнұранымен айбатты ел!

«Көк аспан» тобы тұғырлы Туымыз туралы жинаған деректерін ортаға салады.

Мемлекеттік туымыз бірыңғай көгілдір түсті.

Бұл түс төбедегі бұлтсыз ашық аспанды елестетеді.

Бұлтсыз ашық аспан әрқашан да бейбітшіліктің тыныштық пен жақсылықтың нышаны.

Көк түс –Қазақстан халқының бірлік,ынтымақ жолына адалдығын білдіреді.Нұрға малынған алтын күн тыныштық пен байлықты бейнелейді.

Күн –қозғалыс , даму,өсіп өркендеудің ,өмірдің бейнесі.

Қанатын жайған қыран құс –бар нәрсенің бастауындай,билік,айбындылық бейнесі.

Ағаш сабына бекітілген тұстағы тік жолақ ұлттық оюлармен өрнектелген.

Күн, қыран,ою -өрнек алтын түсті.

Тудың авторы еліміздегі дизайнерлік өнердің ірге тасын калаушылардын бірі, Чехославакияда өткен (1961ж.) халыкаралық дизайнерлер байқауының алтын жүлдегері, Алматы қаласының бас суретшісі Шәкен Оңдасынұлы Ниязбеков ағамыз.

Мұғалім:- Міне, балалар, өздерің айтқандай, мемлекеттік туымыз әр түрлі елдердегі елшіліктеріміздің маңдайшаларында желбіреп тұр. Оны ғарышкер ұшқышымыз Талғат Мұсабаев ғарыш кемесімен заңғар көкке көтерсе, ал алпинистеріміз 1995 жылы Эверест шыңына қадады және көптеген спортшыларымыз еліміздің туын көкке көтеріп, желбіретіп қуантып жатқаны қаншама. (слайд )

Оқушы: Оқушы:

Айнымайды аспаннан Мереке бүгін бақ күні

Біздің тудың бояуы Егеменді елімнің

Оны халық қашанда Желбірейді көк туы

Биікке іліп қояды. Түсіндей боп көгімнің

ЖАЛАУ.Желбірейді шалықтапҚазақстан жалауы.Көкке қыран қалықтап,Қанат қағып барады.Көк аспанда нұрлы КүнКүлімдейді далама.Бақыт тілеп тұр бүгінОл барлық пәк балаға.Ұлттық өрнек мұрамызАдастырмас мұраттай.Нық көтеріп тұрамызЖалауды біз құлатпай!

Қазақстан жалауы

Көк аспандай көкпеңбек

Ақ ниеті – алтын күн ,

Қазақстан жалауы,

Асқақ арман – қыраны

Көк емес ол тектен-тек-

Жалауы бұл - халқымның

Елдің ашық қабағы

Мәртебесі, Туы, Ары

Бұлт баспасын Күнімді,

Тарылмасын өрісім.

Биік ұстау Туымды-

Қасиетті борышым.

Көрініс:

Ән:Көк тудың желбірегені

Тәрбиеші:Бұл мемлекеттік рәміздер сияқты біздің еліміздің қасиетті белгілері біздің республикамыздың азаматтары оны біліп,сақтап,құрметтеу керек.Қазір мен сендерге ту туралы аңыз әңгіме айтқым келеді.(Хан кіреді)«Ерте,ерте,ертеде бір хан болыпты.Ол өте ақылды және даңышпан болыпты.Оның еліндегі адамдар бейбітшілік пен татулықта өмір сүріпті.Бір күні хан данышпандарды отырысқа шақырыпты».Хан: патшалығымда адамдар жақсы өмір сүреді.Сол мені қуантады.Енді менің елімнің рәміздерің белгілейтін уақыт келді.Данышпан: Менің ойымша тудың түсі көк болуы керек.Бұл мөлдір…