Мемлекеттік тіл туралы тәрбие сағаты материалы

Мемлекеттік тіл – Қазақстан халықтарын біріктіретін тіл

1-жүргізуші: Қымбатты ұстаздар мен оқушылар міне біз бүгін бүкіл Қазақстан халқы болып «Қазақстан халқының тілдері күні» мерекесін тойлағалы отырмыз.. Елбасымыз Н. Ә. Назарбаевтің «Қазақстанның болашағы – қазақ тілінде. Ана тілі – бәріміздің анамыз, өйткені ол – ұлтымыздың анасы» дегендей біз ана тіліміздің тұғырының мықты болуына негіз қалаған бабаларымыздың өсиетін ұран ету, қазақ тілінің мәртебесін көтеруіміз керек.

2-жүргізуші: Бүгінгі өткізгелі отырған «Мемлекеттік тіл – Қазақстан халықтарын біріктіретін тіл» тақырыбындағы іс – шарамыз бүгінгі Қазақстан халықтарының тілдері мерекесіне қосылатын кішкене ғана үлес. Бірақ біз ана тілімізге деген сезімімізді білдіретінімізге қуаныштымыз. Олай болса,

«Мемлекеттік тіл – Қазақстан халықтарын біріктіретін тіл» тақырыбындағы іс-шараны бастауға рұхсат етіңіздер.

Биші қыздарымыздың орындауында «Қыз қуу» биі.

1-жүргізуші: Тіл тағдыры шешуін күтті. Көпшілік ойы айтыла бастады. Басқа мәселелерде кезекте тұр еді. Ақыры 1986-ның желтоқсаны тығырық кезеңнен құтқарды. Соның лебімен 1989 жылы «Республикадағы қазақ тілінің жайы» туралы қаулы қабылданды. 1989 жылы қыркүйектің 22-і күні «Қазақстан Республикасындағы тілдер» Заң қабылданып, қазақ тілі Қазақстан Республикасының мемлекеттік тіл мәртебесіне ие болды.

2-жүргізуші. Кейін 1993 жылы қаңтардың 28-і күні бұл статус Қазақстан Республикасының жаңа Конституциясында тұрақталып, Тіл туралы Заңы 1997 жылы шілденің 11- күні жаңа «Қазақстан Республикасындағы тілдер туралы» Заңы қабылданды. Бұл Заң бойынша қазақ тілі Қазақстан Республикасының мемлекеттік тілі, қазақ халқының ұлттық тілі болып есептеледі.

1-жүргізуші: Өлең сөз шеберлерін ортаға шақырайық.

2-жүргізуші: Білеміз шаттық хабар қайдан ұшты, Бәрі енді өзімізге байланысты. Қаумалап, тік көтеріп әкетейік, Қанатын жаңа ғана жайған істі!

1-жүргізуші: Халқымыз қашан да тіл өнеріне, шешендікке зор мән берген. Атақты билер, ақындар мен жыраулар ұйқастыра өлеңдетіп жырлаған. Қазақ халқының атақты үш биі тіл туралы сөз айтқан.

Төле би. Әрбір тілде сөйле әлемді таң қылып, Ана тілін білмеу қандай зыңдылық. Өсер бабаң, байтақ далаң тұрғанда Қазақ тілі жасау керек мәңгілік

Қазыбек би Жетер енді әркімге бір ермейік, Қазақ болсаң құлашты бір сермейік. Қанға сіңген ана тілін халқым-ау, Шұбарлауға ешқандай жол бермейік

Әйтеке би Қазақ, қазақ болғалы, Тіл үшін күрес көргені. Көргені көп тілімнің Мүмкін емес өлмегі.

2-жүргізуші. Мың бұралған биші қыздарымыздың биін тамашалайық. (Таева Гүлзат)