Мен әлемді сүйемін тақырыбына 8-сынып ашық сабағы

Өзін – өзі тану пәнінен сабақ жоспары

Мектебі: № 8 орта мектеп Күні: 26.02.2019

Мұғалімі: Бегалиева М.О Класс : 8а Оқушылардың саны: 25

Тақырыбы: Мен әлемді сүйемін.

Құндылығы: Риясыз сүйіспеншілік

Қасиеттері: мейірімділік, қамқорлық, қайырымдылық

Мақсаты: оқушыларға Мен әлемді сүйемін не екенін түсіндіре отырып , жалпыадамзаттық Риясыз сүйіспеншілік құндылығының мәнін ашу.

Міндеттері:

-оқушыларға мейірімділіктің маңызды екенін түсіндіру;

-оқушылардың қамқорлық қасиетін дамыту;

-оқушыларды қайырымдылыққа тәрбиелеу;

Ресурстар:

(материалдар, дереккөздер)

1.https://kk.wikipedia.org

2.www.shkolamechti.ru

2. http://bilim-all.kz/

Сабақтың барысы:

Ұйымдастыру кезеңі.

5Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті. (Нұрға бөлену).

Ыңғайланып отырыңыздар, денелеріңізді түзу ұстаңыздар. Қолыңызды тізеңізге немесе үстелге қоюға болады.Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан да баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге алып барады.

Одан әрі нұр сіздің аузыңызға, тіліңізге тарады. Тіліңіз тек шындықты ғана айтады. Нұрды құлақтарыңызға бағыттаңыз, құлақтарыңыз тек жақсы сөзді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға,мұғалімдеріңізге,достарыңызға бағыттаңыз. Нұрды уақытша түсініспей жүрген адамдарға да бағыттаңыз, олардың да жүрегі нұрға толсын.

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

Үй тапсырмасын тексеру.

1. Келесі сабақ. №23, «Тиінді құтқару» мәтінін оқып келу.

Үй тапсырмасын бөлінген 4 топтан мозайка әдісі арқылы сабақ сұрау. 4 топқа сурет беріледі соны құрастырып мазмұнын ашу

Сабақтың дәйексөзі.

Риясыз сүйіспеншілік қайтарымды талап етпейді.

М.Ганди

(Оқушыларға үш рет айтқызып, дәптерге жаздырту)

Оқиға айту (Мұғалім сыйы)

Қос қарлығаш (Әңгіме) Арасанбай Естенов

– Ата, ата, анаң қара! Қарлыға-аш!

Атасының жанында саяжайда жүрген Алдан жерден жеті қоян тапқандай мәз. Дауысының қатты шығып кеткенін де байқамай қалған. Расында, бұл биыл жазғытұрымғы көрген алғашқы қарлығаштары еді.

– Тыныш, балам, қатты дауыстама. Шошытып, үркітіп аласың. Кел одан да қозғалмай отырып, олардың әрекетін бақылайық,– деп Орман қарт немересін қасына шақырып, өздері суғарып жүрген тақтаның жиегіндегі көкмайсаға жайғасты.

Алғашында Алданның қаттырақ шыққан үнінен жасқаншақтап, кері серпілген қос қарлығаш сәлден соң қалықтай келіп, бұлардың алдындағы суғарылып жатқан тақтаға қайта оралды.

– Су іздеп жүрген болар? – Сыбырлай сөйлеген немересі атасына сұраулы кейіппен қараған.

– Тс-сс, асықпа, балам. Қазір көреміз.