Мен білетін Абай туралы эссе, шығарма және мазмұндама

Мен білетін Абай

Абай- қазақ халқының бас ақыны, ұлы данышпаны, ағартушысы, философы, композиторы және аудармашысы. Абай атамызды білмейтін қазақ жоқ шығар?! Бәріміз де бала кезімізден Абайдың әндерін, өлеңдерін, шығармаларын оқып келеміз. Оның бүкіл туындылары бізді оқуға, өнер-білімге, еңбекке шақырады. Сондықтан біз бұл шығармаларды оқи арқылы рухани тәрбие аламыз.

Ұлы ақын Шығыс Қазақстан облысының Абай ауданындағы Шыңғыс тауының баурайында дүниеге келген. Абай бала кезінде ширақ, пысық болмағынымен, ел ішіндегі шешендердің, жыраулар мен ертегішілердің әңгімелерін бар ынтасымен, құштарлығымен тыңдап, оларды тез ұғып алатындығымен ерекшеленді. Менің білуімше, Абай ең алғаш өлеңдерін он жасынан бастап даза бастаған. Мұның өзі қандай үлкен жетістік десеңізші! Сол үшін Абай ең алдымен маған үлгі тұтатын зор талант иесі ретінде танылды. Оның әр өлеңін, әңгімесін, әнін тыңдаған сайын ерекше бір сезімге бөленесің, тіпті шабыттанасың десек те болады. Одан бөлек әр туындысының, әр сөзінің астында бір терең философиялық ой бар екенін түсінесің.

Осындай қасиеттерінен бөлек, Абай қаншама талантты шәкірттерді тәрбиелеп өсірді. Абайдың ізбаар шәкірттері: Шәкәрім, Көкбай, Ақылбай, Кәкітай жәнен Мағауия болды. Олардың барлығы да ұлы ақынның, тәлімгердің арқасында зор жетістіктерге жетті. Әрине де, менде сол шәкірттердің қатарында болғанды армандайтынмын. Алайда, оның бәрі орындалмас арман ретінде қалды.

Абай өз уақытында ел ісіне де араласты. Шындығында , Абай бүкіл шығармашылығы арқылы билікпен емес, ұлтты аздырып-тоздырып бара жатқан надандармен күресті. Биліктің адамды бұзатындығына көзі анық жетті.

Қорытындылай келгенде, Абай-артынан өшпестей із қалдырып кеткен ұлы тұлға. Оның туындылары әлі бірнеше ұрпақтарды тәрбиелеп өсіретініне күмәнім жоқ!