Мен болашақ журналистпін тақырыбындағы эссе 11 сынып

Мен болашақ журналистпін

Жақсы журналист — ол алғыр, талапшыл, еңбекқор, жауапкершілігі мол, айтқан сөзі мәнді де сәнді, тыңдаушыны, тіпті алғашқы сөздерден-ақ қызықтырып, тарта білетін адам. Мен өз болашағымды журналистика мамандығы арқылы көремін. Болашақта осы салада жоғары деңгейдегі маман иесі болғым келеді. Иә, білемін, журналист болу оңайға соқпайды, себебі журналистика – қиындығы мен қызығы қатар жүретін, көп ізденісті талап ететін сала. Бұл мамандық үнемі жаңарып, жасарып, жаңалықтың жүгін арқалап жүруді қажет етеді. Кез келген маман иесі болу — ол қиынның қиыны. Сол үшін ешқандай қиындыққа қарамай, өз мақсаттарыма жету үшін аянбай еңбек етуге дайынмын.

Мұхтар Әуезов атамыз “Іздесең – табарсың, алыссаң – аларсың” дегендей, мен де мақсатыма жету үшін ізденіп, дамуға талпынудамын. Қазіргі таңда менің бірнеше мақалам газет бетіне жарияланды. Бұл – менің сөзге деген жауапкершілігім мен журналистика саласына қызығушылығымның дәлелі. Сонымен қатар мен жыл сайын ғылыми жобаларға қатысып, мектептің намысын қорғап келемін. Жеңістерім де, жеңілістерім де болды. Бірақ мен үшін ең бастысы — тоқтамау, үйрену және өсу. Поэзия оқу – менің жаныма жақын дүние. Мектепішілік және аудандық іс-шараларда өлең оқып, сахнада өнер көрсетіп келемін. Сонымен бірге түрлі олимпиадаларға белсене қатысамын. Бір қызығы — мен ешқашан пән таңдамаймын. Қай пәннен болсын бақ сынап көруге тырысамын. Бұл — менің жан-жақтылығымның, жаңа дүниелерге деген қызығушылығымның көрінісі. Жинаған мадақтамаларым да — соның жемісі. Қазіргі таңда мүмкіндіктер мекені, мақсаттарымызды жүзеге асыратын “Qadaz Media” курсы арқылы сюжет, репортаж, фоторепортаж жасауды, медиакүрделік жазуды үйреніп жүрмін. Бұл дүниелер қазір мен үшін жаңа нәрсе емес, яғни университетіме, мамандығыма біршама дайынмын десем де болады. Осылайша курс менің кәсіби бағыттағы білімімді тереңдетіп, шығармашылық

Сол себептіде мен армандарымды орындау үшін Л.Н. Гумилев атындағы Еуразия ұлттық университетіне оқуға түскім келеді. Бұл университет — журналист болам деген әрбір жас үшін үлкен мүмкіндік алаңы. ЕНУ маған тек білім емес, тәжірибе мен шабыт сыйлайды деп сенем. Ал мен өз кезегімде мақсаткерлігіммен, еңбексүйгіштігіммен университеттің үмітін ақтай аламын.