Мен бүгін ұстазбын тақырыбына авторлық бағдарлама

.1-мұғалім:.

Анашым!

Шыр етіп дүние есігін ашқан мені қуанып қолыңызға алып,мейірлене маңдайымнан иіскеп, міне, содан бері алақаныңызда аялап келесіз.

Алғаш рет былдырлап тілім шыққанда «апа » деген сөзді айттым. Ал сіз мені өмірлік дастан жазғандай балаша мәз болдыңыз. Сіздің қуанышыңыз маған қуат бітірді. Тағы да жаңа сөз үйренуге жетеледі.

Былдырлап сөйледім бірінші,

Атадым «ана» деп ұғыншы

Сонан соң үйрендім өзге сөз

Сұрадың жүгіріп сүйінші .

Содан соң бір-екі аттап, құлап-сүрініп жүре бастадым. Ал сіз менің әр басқан қадамымды,құлап қалмаса екен деп аңдумен болдыңыз.

Тәй бастым қуандың анашым,

Мен үшін бір өзің дарасың.

Жүруге үйреттің жетектеп

Құламай түзу жол жүрсін деп

Мен оқып білім алатын жасқа да келдім. Сіз мені жетектеп сыныпқа кіргізіп,сабақ соңыңда қуанып алдымнан қарсы алатынсыз. Мен мектепте қоңырау соғылған бойда сізді көргім келетін.

Сонан соң мектепке апардың

Мен үшін ұзағы сапардың.

Сыныптан шыққанша шаршамай

Тұрушы ең күлімдеп жанарың.

2- миұғалім

Әр күні сіз отыратын бөлмеден байқатпай қарап кететін едім. Айналасы толған балалар ортасында күліп отырған сізді көретін едім. Мен жүгіріп барып:

-Былай тұрыңдар, бұл менің анам,-деп айтқым келетін. Бірақ бала жүрегім оған дауаламайтын.

Ал өсе келе бұл көрініске мен қызыға да қызғана да қарайтын болдым.

Қызғанатыным,анам менен өзге балаларды жақсы көре ме деп қауіптенетін едім. Ал қызығатыным анамның осы жұмысы мені өзіне еріксіз тартатын.

Мектеп бітірдім. Қолыма аттестатымды алдым. Менің алдымда үлкен мақсатым болды.

Мектепті бітірдім қуанып,

Қолыма өзге бір ту алып.

Алдымда бар еді көп арман

Шықпады есті сөз санамнан

Жол сілтеп бұлғадың қолыңды.

Көрсетіп өмірлік орнымды.

Мен бүгін ұстазбын мінекей

Таңдадым, анашым, жолыңды!

3- мұғалім:

Сіз айтқан есті сөз,сіз нұсқаған ұлы жол ұстаздық болатын. Сөз жоқ, анашым ,мен сіздің жолыңызбен жүргім келді. Міне ,анашым , қуаншы,мақтаншы мен сіз жүрген ұлы жол ұстаздықты жалғастырып келемін.

Анашым, бұл сіздің жолыңыз,

Мен үшін сіз дара болдыңыз.

Шаршамай ұлы көш жолында

Мен де оны жалғаймын сеніңіз.