Мен елімнің азаматымын өзін-өзі тану сабақ жоспары

Өзін өзі тану сабағының сабақ жоспары.

Мектеп Бозайғыр орта мектебі Мерзім _______

Тақырыбы: Мен елімнің азаматымын.

Құндылық:сүйіспеншілік Мұғалім: Амангелді Айман. Сынып: 4«а» Оқушылар саны: 23

Сабақтың тақырыбы: Мен елімнің азаматымын

Сабақтың мақсаты: Отан,ел,махаббат құндылығының мәнін ашу.

Білімділік: Туған ел,өскен ортаның адам өміріндегі маңыздылығын түсіндіру.

Дамытушылық: Елге,отанға деген сүйіспеншіліктерін арттыру.

Тәрбиелік: Елжандылыққа тәрбиелеу

Ресурстар:

(құралдар,мәліметтер)

Сабақтың барысы:

1.Ұйымдастыру кезеңі.

Тыныштық сәті.

№ 2 Нұрға бөлену.

2.Үй тапсырмасын тексеру.

Табиғат – әсемдік әлемі

97бет Р.Сәтімбекұлы.(әңгімелеу)

1.Табиғаттағы әсемдік қалай бейнеленген?

2. Адам табиғаттан не үйрене алады?

3.Туған жеріңнін табиғаты қандай?

Сабақ барысын

талқылау

Дәйек сөз:

Ел іші-алтын бесік

Халық даналығы

Туған жер-алтын бесігім,

Тербеттің мені төсінде

Қ.Шаңғытбаев

Мәтінмен жұмыс

Ынтымақ бар жерде бақыт бар.

Отан деген...

Бірде құрбыластарым бас қосып, көңілді әңгімелесіп, сөз таластырып қалдық.

– Біз тұратын көше ауылдағы ең әдемі көше, жап-жалтыр асфальт төселген, –деді Мадина.

– Ешбір көше біздің көшеге жетпейді. Жол жиегі жап-жасыл ағаштар, тіптен өзіңді паркте жүргендей сезінесің,–деп мақтанышпен сөйледі Меруерт.

– Ой, қыздар-ай, біздің көше ше?! –деп, сөзін бастай берген Розаны Салтанаттың киліккен сөзі бөліп жіберді.

– Қойыңдаршы, қыздар. Бірде-бір көшенің ерекшелігі жоқ, бір үлкен қаладай-ақ бұл ауыл... –деп қабағын шытты.

– Қыздар үн-түнсіз қалды... Бәрі де Салтанаттың сөзін іштей мойындағандай. Өткір мінезді Самалдың қатқыл үні бәрімізді елең еткізді.

– Неге, неге олай дейсің, Салтанат? «Отан» деген құдіретті ұғымның өзі осы өз ауылыңнан, өз көшелеріңнен басталмай ма? Өз көшелеріңді сүймесең, оны мақтан тұтпасаң, Отанды қалай сүймексің? – деп жатыр.

Сол сәт мен де Самалдың өтімді сөзін толқи тыңдадым. Ойыма «Отаншыл болу от басынан басталады» деген батыр ағамыз Бауыржан Момышұлының аталы сөзі оралды...

Балалар өз көшелерін қалай мақтан етті?

Ал сендер «Отан» дегенді қалай түсінесіңдер?

2.Суреттерді пайдаланып,әңгіме құрастыр.

Шығармашылық тапсырма.

1-топ.»Туған жер»эссе жазу.

2-топ. Отан,туған жер туралы мақалдар айту.

3-топ.»Ана тілің-арың бұл»әңгіме жазу.

4-топ.»Менің Отаным»сурет салу.

3.Үй тапсырмасы: «Туған жер» дәстүрден тыс сурет салу( саусақпен, жіппен, алақанмен, жапырақтармен)