Мен елімнің ертеңімін тәрбие сағаты

Тақырыбы: Мен елімнің ертеңімін!

Мақсаты: 1. Оқушыларға тәуелсіз елімізді өркендету үшінОтанымызға білімді, саналыазаматтар керек екенін түсіндіру.

2. Сыни тұрғыдан ойлауын дамыта отырып, қиялын шарықтату, сөйлеу шеберліктерін жетілдіру.

3. Қазіргі өмір талабына сай білімді, мәдениетті, салауатты өмір салтын дәріптейтін, адамгершілігі мол азаматтар болуға үйрете отырып, патриоттық тәрбие беру.

Әдісі: Ой шақыру, телеойын.

Барысы: Қазақстан Республикасының әнұраны орындалады.

Көрнекілігі: Түрлі- түсті қима қағаздар, Әнұран, Қазақстан жалауы, Елтаңба, Мақал- мәтел бүктемесі, теледидар макеті.

Кіріспе:

Мұғалім оқушыларды тәрбие сағатының тақырыбы мен мазмұнын атап өтіп, өту барысымен таныстырады.

Негізгі бөлім:

Қызығушылықты ояту.

Оқушыларды топқа бөліп алу үшін мұғалім оларға сұрақ қояды: «менің елім» дегенде ойыңа қандай сөздер келеді? Бұл сұраққа оқушылар әртүрлі жауап береді.

Мысалы: Қазақстан, Әнұран, Жалау, Елтаңба, Астана, Туған жер, Алматы, т.с.с.

Оқушылар ретіне қарай осы бес сөзді қайталап айтып шығады. Кім қай сөзді айтса, сол топқа кіреді.

Ой шақыру.

Мұғалім оқушылардың назарын тәрбие сағатының тақырыбына аударады. Бүгінгі тәрбие сағатымыздың тақырыбы «Мен елімнің Ертеңімін». Еліміздің ертеңі өздері екенін айта отырып, «еліміздің ертеңі болар ұрпақтар қандай болу керек?»- деген сұрақ қойылады. Бұл сұраққа әр топ ақылдаса отырып, өз ойларын үшбұрышталған қима қағаздарға жазады.Барлық топтар тыңдалып, ортақ қорытынды тақтаға ілінеді.

білімді

Тілін құрметтейтін.

ақылды

Тәуелсіз еліміздің ұрпақтары.

Дені сау

намысты

Адамгершілігі мол

Отанын сүйетін

Мағынаны тану

Тәуелсіз еліміздің ұрпағы қандай болу керек?- Деген сұраққа берген жауаптарына сай, ойларын одан әрі өрбіту үшін сұрақ қойылады: «Осы өздерің айтып отырған қасиеттерге жету үшін не істеу керек? Не істеп жүрміз?» Мұғалім сұрақтың мәнін ашуға келетін бес оқушының жауаптарын таңдап алып, бес топқа бөліп береді. Мысалы:

1- топқа Тәуелсіз еліміздің ұрпағы білімді;

2- топқа отаншыл;

3- топқа дені сау;

4- топқа әдепті;

5 -топқа өнерлі болу керек,- деп оқушылардың үшбұрышталған қима қағазға жазылған жауаптары беріледі. Әр топ ақылдаса отырып, осы қасиетке жету үшін не істеу керектігін жазады. Топ жетекшілері шығып жазғандарын оқиды. Үшбұрышты қима қағаздарға жазған жауаптарын әрқайсысының тұсына…