Мен кіші отанымның патриотымын тәрбие сағаты 4 сынып

Жамбыл орта мектебінің бастауыш сынып мұғалімі: Құлмағамбетова Перизат Орынбайқызы

Мақсаты:

Оқушыларды Отанды сүюге, құрметтеп қастерлеуге, өз елін, тегін тарихын білуге тәрбиелеу. Оқушыларға патриоттық, эстетикалық, адамгершілік тәрбие беру, өз ой-пікірін білдіре алатын оқушыларды . Елімізде өскелең ұрпақтардың Отанға деген патриоттық сезімдерін ояту және одан әрі арттыру. Жас ұрпақты Отансүйгіштікке, елжандылыққа тәрбиелеу. Өз Отанына шексіз берілген, патриоттық рухы жоғары, қайсар жауынгер аға-апалардың ерлігін үлгі ету.

Әдіс – тәсілдер: Ойтолғау, басқа адамнан сұрау ,көрме (фото, сурет), ақпаратты кітаптардан, газет-журналдардан, сұрақ - жауап, Акт қолдану,

Көрнекілігі: ҚР Рәміздері, суреттер, нақыл сөздер, бейнетаспа

Музыкалық және бейне көркемдеу «Атамекен», «Менің Қазақстаным» әндерінің аудиожазбасы.

Барысы: Аспаны ашық еліміздің, Көркі сұлу жеріміздің, Біз-бақытты баламыз!Мұғалімнің кіріспе сөзі: Бүгін біздің өтетін сабағымыздың тақырыбы: « Мен –кіші отанымның патриотымын » Балалар, сіздер алдымен «патриот» деген кім, ол қандай адам деген сұраққа анықтама беріп кеткенім жөн болар. Патриот – ұлтын сүйетін, өз тарихын, туған тілін құрметтейтін, ұрпақтан ұрпаққа жалғасқан салт – дәстүрін дәріптейтін, ұлттық қадір – қасиетімізді арттыруға үлес қосатын саналы тұлға өз мемлекетінің жерінде, елінде, тарихына ат салысатын адам екенін атап өту маңызды.

Патриотизм – кіші отанына деген сүйіспеншілік; өз халқының мүмкіндіктері мен күштеріне сену; өз ұлтына тиесілі болғанына мақтаныш; ұлттық мәдениетке деген махаббат; Отанын қорғауға дайын болу; Отан игілігі үшін өзін-өзі құрбан ету; өз өміріне қауіппен Отан мүддесін қорғауға шынымен дайындығы; сайлау, сауалнамалар, референдум кезінде патриоттық ұстанымын нақты білдіру;

2016 жылы 26 сәуірдегі Қазақстан халықтары Ассамблеясының XXIV сессиясында қабылданған «Мәңгілік Ел» патриоттық актісі. Назарбаев Н.Ә. «Болашаққа бағдар: « рухани жаңғыру» мақаласы. 2017. жылғы 12 сәуір.

-Отан – әр адамның жүрегіне жылы тиер қасиетті сөз. Отан деген не, кім қалай түсінеді?

Топтастыру Отан

Отан – сенің туған елің, туған жерің, дос–жарандарың, туған-туысқаның. Отан – бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді. Біз Отанымызды, елімізді сүйеміз. Біз, Қазақстанның патриотымыз!

– Біздің Отанымыз қалай аталады?

– Қазақстан Республикасы қандай мемлекет?

– Қазақстан Республикасының президенті кім?

Қазақстанда үлкен қалалар көп. Олар: Алматы, Астана, Қарағанды, Шымкент, Көкшетау, Қостанай, Ақтау, Павлодар, Ақтөбе, Тараз, Қызылорда, Өскемен, Семей, Талдықорған. Бұлар – әдемі қалалар.…