Мен оқығым келетін мектеп ашық сабағы мектепке дейінгі балаларға

Маңғыстау облысының білім басқармасының

Ақтау қаласы бойынша білім бөлімінің

«№33 «Әлия» бөбекжайы» ЖБҚ МКҚК

Педагог-модератор бейнелеу пәні жетекшісі: Каракулова Асылкан

«Мен оқығым келетін мектеп»

(«Мектеп пен балалабақша сабақтастығы» жоспары бойынша балаларға өткізілген шебер сынып)

Мақсаты: Балабақшадан мектепке барған кезінде сабақтастық пен сәтті бейімделуді қалыптастыру; мектеп жасына дейінгі және бірінші сынып оқушыларының арасындағы қарым-қатынасты нығайту. Әр баланың шығармашылығын жетілдіру.

Шебер сыныптың құрылымы мен мазмұны:

Кіріспе бөлім:

- Сәлеметсіздер ме, балалар! Балалар бүгін бөбекжайымызға мектептен балалар қонаққа келіпті. Олар сіздермен дос болуға, қазіргі уақытта білім алып жатырған мектептері туралы және мектепте уақыттарының қалай өтетінін бөлісіп айтуға келді.

“Менің армандарымдағы мектеп”

Балаларға сұрақтар қойып, мектеп туралы олардың ойлары мен армандарын білу. Балалар өздерінің мектеп туралы алғашқы пікірлерін айтып, қорқыныштары мен қуаныштарын ортаға салады.

Жарайсыздар, балалар, олай болса бір-бімізбен танысайық.

«Кел, танысайық»

-Балалар, бір-біріміздің аттарымызды жәй ғана айта салмай, атымызды айтып бір ерекеше қимыл жасауымыз қажет. Ал, қалған балалар сол қимылды бірге жасаймыз. Солай танысуымыз жалғаса береді.

«Мен оқығым келетін мектеп»

-Балалар, тобымызға қараңызшы, бүгін мен сіздерге ерекше және қызықты тапсырмалар дайындап қойдым. Топ іші үш топқа бөлінген: құрастыру, әйнекке сурет салу, құммен сурет салу. Үш топқа дайындап қойған құралдарым арқылы өздеріңіздің білім алғыларыңыз келетін мектепті қалай елестетер едіңіздер, соны бейнелеп көрсетесіздер. Әр топтың жанында үш түрлі асық орналасқан. Қазір біз осы топтарға асықтар арқылы бөлінетін боламыз. Олай болса, мына сандықшаның ішінде асықтар бар, кімге қай түсті асық түседі, сол асық түстес топқа барып тапсырмаларды орындайды.

(Педагог тапсырмаларды орындау кезінде балалардың қалауы бойынша көмектесіп, жеке жұмыс жасайды.)

Қызыл асық орналасқан топ.

Мектепті түтікше тәріздес құрастырғыштармен құрастыруы қажет.

Жасыл асық орналасқан топ.

Балалар мектепті құмға салады. Құм үстіне салынған мектепті көлемі кішкентай ойыншықтармен безендіреді.

Сары түсті асық орналасқан топ.

Бұл топта балалар мектепті әйнекке салуы қажет.

Балалар тапсырманы қызыға орындайды. Тапсырманы орындап болған балалар, келесі топтарға ауысуға болады.

Қорытындылау.