Мен отбасындамын мен мектептемін мен достарыммен біргемін

Ақтөбе облысы, Ойыл ауданы

Саға мектеп-балабақшасы

Әлеуметтік педагог және өзін-өзі тану пәні мұғалімі

Мен отбасындамын, мен мектептемін, мен достарыммен біргемін

(мүмкіндігі шектеулі балаларға ойын сабақ)

Мақсаты: Баланы әлеуметтік ортамен байланысын нығайту

Көрнекілігі: суреттер, аялдаманың суреттері (отбасының, мектептің, достардың), құрастырма,

Барысы

Құрметті оқушылар, ұстаздар, ата-аналар! Мектебімізде «Барлық әлем мен үшін» атты апталығының өтуіне байланысты бүгін біздер «Мен отбасындамын, мен мектептемін және мен достарыммен біргемін» атты ойын сабақ өткізгелі отырмыз.

І. «Менің отбасым» аялдамасына тоқталамыз. Мұнда 3 тапсырма орындаймыз. Тапсырмаларды дұрыс орындасақ, сандықшаның кілті ашылып, ішінен қағаздың бір бөлшегін аламыз.

1-тапсырма: Отбасы ағашы беріледі, соған отбасы мүшелерін (ата, әже, әке, ана, көке, жеңге, аға, апа және өзінің суреті) жапсырып орналастырамыз.

3-тапсырма: Сіріңкеден үй жасау.

Тапсырмалар дұрыс орындалған соң сандықшадан қағаздың бірінші бөлігін аламыз.

Сергіту сәті: би қозғалысын қайталай отырып, би билеу.

ІІ. «Менің мектебім» аялдамасына келдік. Бұл аялдаманың тапсырмалары:

1-тапсырма: Суреттердің жұбын тап. 10-15 секунд ішінде есте сақтап, жұбын табу

2-тапсырма: Берілген суреттерде бар заттардан сөзі бар мақал-мәтелдер айту (ұстаз, кеме, арба, ана, ата, бала, ине, балық, бесіктің суреттері беріледі).

Тапсырмалар орындалған соң сиқырлы кітапшадан картаның келесі бөлігін аламыз.

ІІІ. «Менің достарым» аялдамасының тапсырмалары:

1-тапсырма: Жапырақтарға қоңыздарды орналастыр (сандарды ажыратуға)

Қоршаудағы боялған суреттегідей етіп, суреттерді боя

2-тапсырма: Караокемен «Аққошақан» әнін орындау.

Ойын: «Жіп» ойыны. Ата-аналар үшін

Қорапшадан картаның үшінші бөлігін алып, бәрін біріктіреміз. Бұл карта бетінен бүкіл әлем мен үшін деген сөздің символы болады және екінші жағында символдармен берілген карта болады. Сол карта арқылы үрулі шарларға барамыз да, шарларды жарамыз. Шардың ішінен балаларға арналған кәмпиттер шығады.

Қорытынды