Мен өз елімнің патриотымын тақырыбындағы мақала

Мен – өз елімнің патриотымын

Мен - өз елімнің патриотымын. Бұл тақырыпқа байланысты ой өрбітпес бұрын «патриот» сөзіне анықтама беріп алайық. «Патриотизм – отбасына, туып-өскен ортасына, топырағы мен табиғатына, еліне деген құрметтен бастау алады. Өз ұлтын, жерін сүйіп, оның мұңын мұңдап, жоғын жоқтайтын адам ғана шынайы патриот бола алады. Оны зорлықпен, нұсқаумен жүргізу мүмкін емес. Ел Президенті Н.Назарбаевтың: «Әрбір адам біздің мемлекетімізге, оның бай да даңқты тарихына, оның болашағына өзінің қатысты екенін мақтанышпен сезіне алатындай іс-қимыл жүйесін талдап жасауы қажет. Елдің проблемалары да, келешегі де барлық адамға жақын әрі түсінікті болуы тиіс. Әрбір адам бала кезінен Қазақстан – менің Отаным, оның мен үшін жауапты екені сияқты мен де ол үшін жауаптымын деген қарапайым ойды бойына сіңіріп өсетіндей істеген жөн», – деуі патриотизмге баулудың жарқын үлгісі іспетті.

Менің Отаным - Қазақстан Республикасы. Қазіргі таңда Қазақстан егеменді, тәуелсіз, дамыған алпауыт мемлекеттердің қатарынан бой түзеп келеді. Табиғаты көркем, жері сулы, орманы нулы Қазақстандай Отанымның барын мақтанышпен айта аламын. Тарихқа көз жүгіртер болсақ, еліміз осы күнге дейін барлық сынақтардан сүрінбей өтіп, бәсекеге қабілетті мемлекетке айналды. Алдағы уақытта да Латын қарпіне көшіп, мемлекеттік тілімізді жоғары стандартқа жеткізбек. Тіл жойылса, мемлекеттің де жойылғаны, сондықтан «ақ найзаның ұшымен, ақ білектің күшімен» келген қасиетті тілімізді, ділімізді сақтап қалу – біздің болашақ ұрпақ ретіндегі қасиетті борышымыз. Тіл мәртебесін одан әрі өрбітіп, әлемдік тілдер деңгейіне жеткізу үшін бар ынта-жігерімізді аямауымыз қажет.Сол кезде ғана мәңгілік ел мәртебесіне жетеміз.

Мен, Елбасымыздың «Болашаққа бағдар: рухани жаңғыру» атты мақаласын оқып шықтым. «Рухани жаңғыру – адам баласының оның ішкі әлемінің жаңаруы.Әр халық, әр мемлекет ғасырлар бедерінде рухани жаңғырып, жаңарып отырады. Ал рухани жаңғыру мен жаңаруда білім берудің рөлі зор. Біз өзіміздің ұлттық ерекшеліктерімізді сақтай, ескере отырып, әлемде болып жатқан жаңалықтарды қабылдай білуіміз керек. Бірнеше тілді білген адам ештеңеден ұтылмайды. Елбасымыздың бұл мақаласы біздің Отанға деген сүйіспеншілігімізді арттыра түсті. Жаңғырып жандану керектігін алға тартты.