Мен өз елімнің патриотымын тәрбие сағаты 1 сынып

Тақырыбы: «Мен-өз елімнің патриотымын!»

Мақсаты: а)Оқушыларға «Патриот » деген сөздің терең мәнін ,мақалдардың мағы-насын талқылап, түсіндіру, балалардың пікірлерін тыңдау.Өз елінің патриоттары туралы мағлұмат беру. ә) Оқушылардың таным белсенділіктерін, қызығушылықтарын , Отанға деген мақтаныш, патриоттық сезімін дамыту. б) Оқушыларға патриоттық, эстетикалық, адамгершілік тәрбие беру, өз ой-пікірін білдіре алатын оқушыларды тәрбиелеу.

Әдіс-тәсілі: Тақырыптық әңгіме,сұрақ-жауап.Көрнекіліктер: Мақал-мәтел,нақыл сөздер жазылған плакаттар

1.Отанды сүю – от басынан басталады.2. Отансыз адам, Ормансыз бұлбұл.3. Кісі елін де сұлтан болғанша,

Өз еліңде ұлтан бол.Сабақтың барысы:

1 Ұйымдастыру.

2 Негізгі бөлім.

Мұғалім:

Армысыздар, құрметті қонақтар! Ұлағатты ұстаздар! Ардақты ата-аналар!

және күміс қоңырау үнін сағына, асыға жеткен оқушылар!

Оқушылар:

Аралап көрікті жерлерді,

Жаз бойы тынығып демалдық.

Білімге шақырып келді күз,

Мектепке көңілді оралдық

Келді міне, қоңыр күз

Келді қағып қоңырау.

Мектеп – ана жылы жүз

Ашты құшақ омырау:

Мейірім, нәр, гүл өңі

Ұстаздардың реңі.

Шәкірттерін құшақтап,

Шаттанады, күледі.

Құрметті ұстаздар және оқушылар! Бүгін «Білім күні» мерекелеріңіз құтты болсын!

Білім күні өтетін сабағымыздың тақырыбы :

«Мен-өз елімнің патриотымын!» .

Мұғалім: Балалар Отан дегенді қалай түсінесіңдер?

Оқушы:

Көп аузынан түспейтін,

Отан деген немене?

Оның тұлға түс кейпін,

Достым білгің келе ме?

Отан дейміз от жаққан жерімізді,

Отан дейміз өсірген елімізді.

Отан дейміз туған жер, атамекен –

Биік тау, орман, тоғай көлімізді.

Отан дейміз кең-байтақ астананы,

Жасыл жайлау, жаңа жол, жас қаланы.

Отанның шеті де жоқ, шегі де жоқ,

Ол бірақ өз үйіңнен басталады.

Отан- тарих, Отан – тіл,

Жасаған елің, өз- халқың.

Отан – өлең, Отан-жыр,

Көтерген көкке ел даңқын.

Отан – сенің ата-анаң,

Отан – досың, бауырың,

Отан – өлкең, астанаң,

Отан – аудан, ауылың.

Отан – осы достарым,

-Отан – әр адамның жүрегіне жылы тиер қасиетті сөз.Отан –сенің туған елің, туған жерің, дос –жарандарың, туған туысқаның. Отан- бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді.Біз Отанымызды, елімізді сүйеміз. Біз, Қазақстанның патриотымыз!

Мақал-мәтелмен жұмыс,мағынасын ашу.

1 Отанды сүю – от басынан басталады.2. Отансыз адам, Ормансыз бұлбұл.3. Кісі елінде сұлтан болғанша, Өз еліңде ұлтан бол.

- Балалар «патриот» деген сөзді қалай түсінесіңдер? Патриот– Отанның мерейін үстем ету жолында, өз халқына деген сүйіспеншілігі жолында қолда барын, өмірін аямайтын адам.

Алдымен «патриот» деген кім, ол қандай адам деген сұраққа анықтама беріп кеткенім жөн болар. Патриот – ұлтын сүйетін, өз тарихын, туған тілін құрметтейтін, ұрпақтан ұрпаққа жалғасқан салт – дәстүрін дәріптейтін, ұлттық қадір – қасиетімізді арттыруға үлес қосатын саналы тұлға. Туған елі үшін үнемі тер төге қызмет етіп, халқымыздың мол рухани…