Мен өз елімнің патриотымын тәрбие сағаты 1-сыныпқа

1-қыркүйек - Білім күніне арналған сынып сағаты.

Тақырыбы: Мен өз елімнің патриотымын!

Мақсаты: Оқушыларды Отанды сүюге, құрметтеп қастерлеуге, өз елін, тегін тарихын білуге тәрбиелеу.

Әдісі: сұрақ-жауап, «Тосын сый», «Орнын тап» ойыны, шаттық шеңбері.

Көрнекілігі: патриот сөзі жазылған қима қағаздар, дорба, бейне ролик, ағаш, жапырақтардың суреттері.

Өту барысы:

Ұйымдастыру кезеңі.

Ынтымақтастық атмосферасын қалыптастыру.

«Шаттық шеңбері» арқылы оқушылармен, ата-аналармен танысу.

Қызығушылықты ояту.

«Тосын сый» әдісі (Дорбаның ішіне тәтті сыйлықтар салу)

Балалар, мына жерде не көріп тұрсыңдар?

Дұрыс айтасыңдар. Бұл дорба.

Дорба дегеніміз не?

Дұрыс айтасыңдар.

Балалар, мына дорбада сендерге арналған сыйлықтар жатыр. Осы сыйлықтарды алу үшін сендер бірнеше кедергіден өту керексіңдер. Дайынсыңдар ма?

1-тапсырма. «Орнын тап» ойыны.

Жұмбақ:

1) Үстiнде есiгi,

Өзi орындық, әрi үстел,

Оқушылар бесiгi. (Парта)

2) Қырық екі жауынгер,

Сапын түзеп тұрады.

Бүлдіршіндер

Қауымды ел,

Сырын терең ұғады. (Алфавит)

3) Iлулi тұр кең алаң,

Керегiмдi мен одан.

Жазып алам көшiрiп,

Сүртем сосын өшiрiп. (Тақта)

4) Қар да бар, Мұзда жоқ.

Жарда бар, Құзда жоқ.(Р әрпі)

5) Инеде бар,

Жіпте жоқ.

Илеуіште бар,

Ұнда жоқ.(И әрпі)

6) Бір нәрсе ет жемейді, су ішпейді,

Үстінен оның, сірә, жан түспейді,

Шаршамас, белі талмас, сондай мықты,

Тұруға жалықпайды, беріспейді,

Міні жоқ, бойы сұлу болғанменен,

Таңырқап оны адам көріспейді.

Мінезі сол нәрсенің сондай жуас,

Бір-бірін бөтен малдай тебіспейді,

Жұмысын салтаң мініп бітірмесе,

Жегуге арба шана көніспейді, (Орындық)

7) Таста бар,

Құмда жоқ.

Тауда бар,

Бауда жоқ.(Т)

Патриот деген әріптердің орнын ауыстырып, тақтаға ілу.

Нәтижесінде оқушылар патриот деген сөзді құрастырады.

Сұрақтар:

Патриот дегенді қалай түсінесіңдер?

Патриот – ұлтын сүйетін, өз тарихын, туған тілін құрметтейтін, ұрпақтан ұрпаққа жалғасқан салт-дәстүрін дәріптейтін, ұлттық қадір-қасиетімізді арттыруға үлес қосатын саналы тұлға. Туған елі үшін үнемі тер төге қызмет етіп, халқымыздың мол рухани құндылықтарын бағалай білетін асыл тұлға.

Отан дегеніміз не?

Біздің Отанымыз қалай аталады?

Қазақстан Республикасы қандай мемлекет?

Қазақстан Республикасының Президенті кім?

Қазақстан туралы бейне ролик көрсету.

2-тапсырма. «Пазл» ойыны.