Мен өз елімнің патриотымын тәрбие сағаты 4 сынып

Сабақтың тақырыбы: « Мен өз елімнің патриотымын.»

Сабақтың мақсаты: 1. Оқушыларды Отанды сүюге, құрметтеп қастерлеуге, өз елін, тарихын білуге тәрбиелеу.

2. Оқушылардың таным белсенділіктерін, қызығушылықтарын дамыту.

3. Оқушыларға патриоттық, эстетикалық, адамгершілік тәрбие беру, өз ой- пікірін білдіре алатын оқушыларды тәрбиелеу.

Көрнекілігі: Суреттер, нақыл сөздер, бейне таспа.

Елбасы Қазақстан халқына жолдауында « Біздің балаларымыз бен немерелеріміз сырт елден гөрі Отанында өмір сүргенді артық көретіндей, өйткені өз жерінде өзін жақсы сезінетіндей болуға тиіс. Біздің еліміздің әрбір азаматы өзін өз жерінің қожасын ретінде сезінуге тиіс» -деп атап өткен болатын.

Патриот- ұлтын сүйетін, өз тарихын, туған тілін құрметтейтін, ұрпақтан ұрпаққа жалғасқан салт- дәстүрін дәріптейтін, ұлттық қадір –қасиетімізді арттыруға үлес қосатын саналы тұлға. Туған елі үшін үнемі тер төге қызмет етіп, халқымыздың мол рухани құндылықтарын бағалай білетін асыл тұлға Отан- әр адамның жүрегіне жылы тиер қасиетті сөз. Отан сенің туған елің, туған жерің, дос- жараңдарың , туған- туысқаның. Отан- бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отангды анаға теңейді. Себебі, Отан сендерді анаңдай қорғайды, көмектеседі, күш береді. Біз Отанымызды, елімізді сүйеміз. Біз Қазақстанның патриотымыз.

Отан деген не, кім қалай түсінеді?

Отан дейміз кең байтақ астананы,

Жасыл жайлау, жаңа жол, жаңа қаланы.

Отанның шегі де жоқ, шеті де жоқ.

Ол бірақ өз үйіңнен басталады.

- Біздің Отанымыз қалай аталады ?

- Қазақстан Республикасы қандай мемлекет ?

- ҚР мемлекетінің президенті кім ?

Кәне балалар Қазақстанның географиялық орнының ерекшелігіне шолу жасайықшы.

ҚР жер көлемі қанша? ( 2.7 млн.км2 )

ҚР шекарасының ұзындығы қанша км созылып жатыр ? (15 мың км )

Қазақстан қандай мемлекеттермен шектеседі ? (Ресей, Қытай, Өзбекстан, Қырғызстан, Түркіменстан)

Қазақстанда қанша ұлт өкілдері тұрады ? ( 130 дан астам)

Елімізде неше облыс бар ? Оларды атайықшы.(14 облыс бар. Алматы, ОҚО, СҚО, БҚО, ШҚО, Қарағанды, Ақтөбе, Атырау, Маңғыстау, Қызылорда, Қостанай, Павлодар, Жамбыл, Ақмола )