Мен патриотпын тәрбие сағатының жоспары, 2 сынып

Ресімдеу

Елбасы суреті, Қазақстан Республикасының картасы, рәміздер, қанатты сөздер, гүлдер, интерактивті тақта, слайдтар, видеофильмдер, сөзжұмбақ, флипчарт, түрлі-түсті фломастерлер, жапсырма қағаз, плакат.

Музыкалық және бейне көркемдеу

Ән ұран, Атамекен, Отан, ел туралы бейне ролик

Сабақтың техникалық құрал-жабдықтары

Интерактивті тақта

Бейнепроектор

Компьютер

Үлестірмелі материалдар

Әр топтың жеке жұмыс столы, Топтарға тақырыпқа байланысты тапсырма түрлері. Қима қағаздар.

Эпиграфтар

Отансыз адам – қай жерде жүрсе де бейшара адам. Өзіңнің еліне, Отанына, жеріңе, ата-бабаңның төккен қаны мен теріне адал болуың керек. Қайда жүрсе де, не істесе де қазағын-елін ойлап, осыны көркейтсем, кіндік қаным тамған елім аман болып, оның дәрежесі жоғары болса, қай мемлекетке барсам да мені сыйлайды деген түсінікте болу керек. (Нұрсұлтан Назарбаев)

Дайындыққа арналған әдебиет

Бастауыш сынып әдістемесі журналы, Интернет желісі. Ақпарат көздері

Сабақ тақырыбы

«Мен патриотпын»

Сабақтың мақсаты:

– Оқушыларды Ұлы дала елін сүюге, құрметтеп қастерлеуге, өз елінің тарихын білуге , бай — қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін ояту;– Оқушылардың таным белсенділіктерін,қызығушылықтарын дамыту. Ойларын жүйелі түрде жеткізе білу, шығармашылықпен жұмыс жасап, мағынасын түсіне білу дағдыларын дамыту.– оқушыларды ұлтжандылыққа, атамекенін көздің қарашығындай сақтай білуге, патриоттық сезімге тәрбиелеу;

Күтілетін нәтиже:

Оқушылардың туған жеріне, еліне, деген сүйіспеншіліктері артады.

Болашаққа деген сенімі, ой-өрісі дамиды.

Оқушылар елінің мұрасын қастерлеп, оны жалғастырушы азамат болуға тәрбиеленеді.

Ұйымдастыру

кезеңі;

Психологиялық дайындық:

Табиғаттан нәр алған ғой жанымыз,

Жер бетінің ажары ол – сәніміз.

Туған өлке табиғатын аялап,

Ұсынайық жүрек нәрін бәріміз.

Топқа бөлу

1 топ: «Мен» 2 топ: «Елім» 3 топ: «Патриот»

Мұғалімнің кіріспе сөзі:

(Туған жер туралы слайдтар көрсетіледі)

Біздің Отанымыздың табиғаты бай алуан түрлі: өзен - көлі, кең даласы, жасыл орманы, жайқалған егісі көз тартады. Біздің еліміз – пайдалы қазбалардың қоймасы. Әрине, біз Отанымыздың осындай байлығы барына қуанамыз. Қуануға, мақтануға да тиіспіз.Осының барлығын ата бабаларымыз

найзаның ұшымен, білектің күшімен қорғап,болашақ ұрпағына аманат еткен.

І. Блок

Қазақстан кеше, бүгін, қазір …

Кеше (өткен тарихқа шолу) 1–оқушы: Айару

Қазақстан – тәуелсіз, азат ел. Сол тәуелсіздік жолында қазақ бабам не көрмеді десеңізші?! Еліміздің басынан азап та, аштық та, сұм соғыс та өтті.

Қазақ халқы ауыр, қайғыға толы кезеңдерді бастан кешірді. Шолу жасап өтейін.

Жоңғар шапқыншылығы ;

1916 жылғы ұлт-азаттық көтеріліс;

1928-1932 жылдардағы аштық;

1941-1945 жылдардағы Ұлы Отан соғысы;

1986 жылғы жерді дүрсілкендірген желтоқсан оқиғасы.

Бүгін (бүгінгі күннің тарихына шолу)2-оқушы : Мейіржан

Біздің туып -өскен жеріміз– Қазақстан.

Еліміз тәуелсіз, Ел президентін сайладық, Ата Заңымыз бен мемлекеттік рәміздерді қабылдадық. Ана тіл-қазақ тілі мемлекеттік тіл болып жарияланды. Қазақстанның астанасы – Астана қаласы. Еліміз мұнайға,пайдалы қазбаларға өте бай. Қазір ынтымағы жарасқан көптеген ұлттың өкілдері тұрады. Ол бүгінде дүние жүзінің көптеген елдерімен достық байланыс орнатқан, бүкіл әлем таныған елге айналды.

3-оқушы: Айгөлек

Бүгінгі Қазақстан 2017 жылы Алматы қаласында өткен қысқы Универсиада жане Астана қаласында өткен ЭКСПО көрмесі арқылы, спортшыларымыздың жеткен жетістіктерімен әлем назарына…