Мен саған сенемін интеллектуалды ойыны бастауыш сыныпқа

Ақтөбе облысы

Хромтау ауданы

Хромтау қаласы

№ 6 Хромтау гимназиясы

2 «А» класы

Алмаханова Ляззат Турехановна

Тақырыбы: Мен саған сенемін

Мақсаты: Оқушылардың білімге деген қызығушылығын арттыру,шапшаңдыққа ,шығармашылыққа, ұқыптылыққа,зейінділікке,ұстамдылыққа баулу.

Ата-ананың балаға деген сенімін арттыру.

Түрі: интелектуалды ойын

Көрнекілігі: слайд,тапсырмалар,

Ойын барысы:

Ұйымдастыру бөлімі.

Ойынның тақырыбы мен мақсатымен (слайд) таныстыру.Бәйгеге түсіп жарыспайЖүйріктің бағы жанар ма?Білім мен өнер жарысып,Тәрбие, тәлім табар мән.Бұл бәйге ойдың бәйгесіБерілген барлық тапсырмаға1-минут қана уақыт беріледі.Кім жүйрік ойға, сол алда,-дегендей, бүгінгі интеллектуалды ойынымыз сайыс түрінде өтеді. Осы уақытқа дейін алған білімдеріңді көрсетіп, ортаға салыңыздар.Ал құрметті ата-аналар балаға деген сенімділіктеріңізді білдіріп отырыңыздар.

Бүгінгі ойынымыз 6-кезеңнен тұрады.

1.Ширату

2.Көшіріп жаз

3.Сөз ойла,тез ойла

4.Тез есепте!

5.Кім шапшаң?

6.Ойлан,тап!

Бүгінгі сайысымызды бастамас бұрын,бүгінгі сайыскерлерімізбен таныс болайық.

1.Төлеубекова Ботакөз – анасы Барикова Гүлжаз Советовна

2.Байтөре Айым – әкесі Бекетова Жанаргүл

3.Дүзбай Кәусар – анасы Тулегенова Нұрсұлу

4. Бақыт Кәусар - анасы Буккарина Батес

Бүгінгі ойнымыздың әділ-қазыларымен таныс болайық

Ендеше сайысымызды бастайық.

Білген сайын келеді біле бергім,Біле беру емес пе тілегі елдің.Белден ассаң, алдыңда бел көрінсе,Қызыққаннан келмей ме жүре бергің.Сондықтан да келеді біле бергімБілімдіні сүйерін білім елдің,- дей отырып

1-кезең. Ширату сіздерге 3- сұрақтан қойылады сол сұрақтарға жауап бересіздер.

1. Сөздің әрі қарай бөлінбейтін, мағыналы бөлігі. (түбір)2. «Бесінші» сөзі қандай сұраққа жауап береді? (нешінші?)3. Әдемі сөзіне жуық мәндес сөзді ата. (сұлу, көркем)4. Сұраулы сөйлемнің соңына қандай тыныс белгісі қойылады? (сұрақ белгісі)5. Дауысты дыбыстар неше топқа бөлінеді? (2: жуан, жіңішке)6. Сөздің мағынасын өзгертетін қосымша қалай аталады? (жұрнақ)7. Батыр сөзіне жуық мәндес сөзді ата. (ер, қаһарман)8. Хабарлы сөйлемнің соңына қандай тыныс белгісі қойылады? (нүкте)9. Дауыссыз дыбыстар нешеге бөлінеді? (3: қатаң, ұяң, үнді)

10. Сөз бен сөзді байланыстыратын қосымша қалай аталады? (жалғау)11. Кейде дауысты, кейде дауыссыз болатын дыбыс. ( у )12. Аласа сөзіне қарсы мәндес сөзді ата. (биік)

Әр оқушының дұрыс жауаптары 2- ұпайдан саналады.

Білім деген биік шыңБақытқа сені жеткізерБілім деген ақылшыңҚиындықтан өткізер

2-кезең.Көшіріп жаз.1-минут ішінде қанша сөз көшіре аласыз.Сол саналады.Құрметті ата-аналар сіздің балаңыз 1-минутта неше сөз көшіре алады? Әр сөз 1- ұпай жинайды./Әр ата-ананың ойы тыңдалады/

Қаңтар

Қаңтар – жыл басы, қыстың қақ ортасы. Қаңтар айында сақылдаған сары аязды күндер көп болады. Суық күндер бет, қол, аяқ үсу жиі кездеседі. Терезенің әйнектері, ағаштар, су бетіндегі мұздар жарылып кетеді. Малшылар малды қорада күтеді. Балалар мен қарттар үйде…