Мен табиғатты қорғаймын ашық оқу қызметі

Білім беру саласы: Әлеуметтік орта

Оқу қызметі: Қоршаған ортамен таныстыру

Мақсаты: балалардың табиғатты аялау туралы түсініктерін кеңейту, табиғаттың алуан сырларын білуге, қоршаған ортаны қорғауға баулу. Табиғат туралы танымдарын молайту, туған жерге деген сүйіспеншіліктерін арттыру.

Әдіс-тәсілдері: көрсету, түсіндіру, сұрақ-жауап, әңгімелеу, саяхат сабақ,

Қолданылатын көрнекі-құралдары: слайд көрстеу, видеоролик, жер беті картасы, үлестірмелі материалдар

Сөздік жұмыс: табиғат-природа

Шаттық шеңбері:

Тәрбиеші: - Балалар бүгін бізде ерекше сабақ, өйткені ашық оқу қызметіне қоанқтар келіп отыр. Олай болса қонақтармен амандасып алайық.

Балалар: - Сәлеметсіздер ме. Здравствуйте. Goodmorning.

Тәрбиеші: -Жарайсыңдар. Ал енді шаттық шеңберін жасайық.

Табиғат біздің анамыз,

Табиғатқа біз баламыз

Иіліп сәлем береміз

Біз әдепті баламыз.

Армысыздар қонақтар, Армысыңдар достарым.

Балалар қазір жылдың қай мезгілі?

-Күз мезгілі

-Күз мезгілінде неше ай болады?

-3 ай. Қыркүйек, Қазан, Қараша.

-Балалар бүгінгі шаттық шеңберінде не туралы айтылған?

-Табиғат туралы

-Жарайсыңдар. Табиғат дегеніміз не екен қане, кім айтады?

-Табиғат бізді қоршаған орта

-Табиғат тіршілік көзі.

-Табиғат адамдардың мекені.

-Жарайсыңдар. Табиғат нешеге бөлінеді?

-2-ге. Жанды жіне жансыз.

-Жанды тбиғатқа не жатады? Жансыз табиғатқа не жатады?

-Жануарлар, құстар, адамдар. Тау, тас күн, бұлттар

-Жарайсыңдар. Табиғат адам баласынығ санасынан тыс пайда болған. Табиғат болмаса біз ауасыз, сусыз, тіршілік ете алмас едік. Ал Балалар бүгінгі ашық оқу қызметіміздің тақырыбы «Мен табиғатты қорғаймын» Біз табиғатты қорғау үшін нестеуіміз керек деп ойлайсыңдар?

Музыка естіліп сиқырлы экран қосыларды.

Балалар экранға қарайды. Экранда орманның өртеніп, жануарлардың өліп, ауаның ластанып, ортаның қоқыстанып жатқан видеролигін тамашалайды.

-Балалар не болып жатыр? Бұл видеоролик қайдан келді екен? Балалар бізге хат келіпті.

Хат: Сәлеметсіңдер ме балалар. Мен Табиғат Анамын. Мен орманым жайқалып, құстарым сайрап, мәуелі жемістерім пісіп, мөлдір суым сарқырап тұрған әсем едім. Бірақ адамдардың жауапсыздығынан орманым отқа оранып, таза ауам ластанып, жер бетін қоқыс жайлап жатыр. Тіршілік иесі адамдар маған сендердің көмектерің керек. Жер бетіне қауіп төніп тұр.