Мен таңдаған жол семинары 9 және 11 сыныпқа

Кошанова Меруерт Кайратовна

педагог-психолог

М.Жұмабаев атындағы №39 гимназия

Қарағанды қаласы

Шеберлік сабағы: «Мен таңдаған жол»

Ісім оңсын десеңіз,Сол істің маманы болыңыз.Даңқым шықсын десеңіз,

Көпшіліктің адамы болыңызӘл – Фараби

Мақсаты: Оқушыларға мамандық таңдауда олардың негізгі түрлері, классификасиясы белгілері, мамандық тобы, таңдау әдістері туралы білімдерін, түсініктерін кеңейте отырып, мамандықтарға деген ынта – ықыласын, қызығушылықтарын арттыру.

Міндеттері:

кәсіптік мамандық таңдаудың негізгі типтерімен факторлары туралы түсінік беру;

кәсіптік мамандықтарға деген ынта – ықыласын, қызығушылықтарын анықтау;

кәсіптік бағдар беру;

Қатысушылыр: 11- сынып оқушылары

Көрнекілік: интерактивтік тақта, әдістеменің жауап парақтары, жағымды әуен, карточкалар

Тренинг барысы

Кіріспе сөз:

Мамандық таңдау жасөспірім шақтағы ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған өзіне лайықты біреуін таңдау міндеті тұрады.

Мамандықтың жаманы жоқ, бірақ мұның кез – келгеніне икемділік қажет, бұл жай күнелту, тамақ асыраудың жолы ғана емес, үлкен өнерді, зор шеберлікті қажет ететін нәрсе. Кейбір жастар мамандық таңдау ережесін білмегендіктен өзі қызықпайтын мамандықты таңдайды.

Осыдан өз мамандығына қанағаттанбаушылық, реніш сезімдері болып, тіпті алдарына жоспар да құрғысы келмейді. Әрбір адам өзін – өзі дамыта алу үшін білім алып, сол біліміне сай мамандыққа машықтану керек.

Біздің мақсатымыз – оқушылардың кәсіптік қалыптасуымен байланысты өмір туралы, әлеуметтік құндылықтар туралы танымдылығын психологиялық – педагогикалық көмек көрсету.

«Кел танысайық» жаттығуы:

Өз атынды және фамилияңды ата.

Сен өзіне болашақ мамандығынды таңдадың ба?

Сен болашақтағы мамандығына сенімсіздікпен қарайсың ба?

«Ойлан және жауап бер»

Сұрақтар:

Сендер болашақ мамандықтарыңды таңдадыңдар ма? Қандай мамандықты таңдадыңдар?

Таңдаған мамандықтарың жөнінде не білесіңдер және өзіндік ерекшелігі қандай?

Бұл мамандық заман талабына сай ма және еңбек нарығындағы қажеттілігі неде?

Таңдауға не әсер етті? Егер оған ата-анаң қарсы болса не істейсің?

Оқуыңды аяқтаған соң жұмысқа кірісер кезде ата-анаң саған одан гөрі еңбек ақысы жоғары қызмет ұсынса қайтесіңдер?

Таңдаған мамандықтарың бойынша мамандармен кездесіп кеңес сұрасып, пікір алыстыңдар ма?

Бұл мамандықты еңбек ақысына қарап таңдадың ба, әлде қызықтың ба?

Таңдаған мамандықтарыңды ата-аналарың қолдай ма, әлде басқа мамандық туралы көп айта ма?

Балалар сұрақтарға жауап беріп, әрқайсысы өз пікірін айтып отырды.

Қалай ойлайсындар, кәсіптік мамандық таңдағанда не бөгет болып табылады?

Әр адам өзіне мамандық таңдағанда ыңғайлы жағдайына, оның қоғамда қаншалықты қажет екеніне көңіл аударады. Балалар, сендердің ойларынша кәсіптік мамандық таңдағанда не маңызды болып табылады?

«Мамандық таңдауда ұстанатын ережелер»

Мектептегі оқу пәндері-нақты мамандық емес. Пәнге деген қызығушылық оған байланысты жұмыстың ұнайтынын білдірмейді.

Қалаған мамндықтың мазмұнына көңіл аудару.

Егер мамандық сенің досына ұнаса, саған ұнайды деген қорытынды жасауға болмайды.

Мамандықтың мазмұны, қызықты қырлары, жұмыс тәртібі мен жағдайы туралы сұрақтарға жауап бере алғанда ғана сенің таңдаудағы ой-ниетің салмақтана түспек.