Мен жаңалықтармен танысамын ашық сабағы 10 сынып

Пәні: қазақ тілі

Сыныбы: орысша 10-сынып

Сабақтың тақырыбы: Мен жаңалықтармен танысамын

Сабақтың мақсаты:

Білімділік: Мәтінді түсініп оқиды, бейтаныс сөздердің

мағынасын меңгереді, мәтін бойынша берілген

тапсымаларды орындайды. Ережелерді меңгереді.

Тәрбиелік: Оқушылар топ ережелерін сақтай отырып, бірін-бірі

сыйлай білуге, тыңдай білуге, ауызбіршілікке үйренеді.

Дамытушылық: Оқушылардың ойлау қабілеттері, тыңдау арқылы

мәліметтерді қабылдай білу дағдылары қалыптасады.

Пәнаралық байланыс: қазақ әдебиеті, тарих сабағы

Сабақтың көрнекілігі: басылымдар, сөздік жазылған плакат, ережелер жазылған кестелер, сәйкестендіру кестесі, кері байланыс парағы, бағалау парағы, бейнеролик.

Сабақтың түрі: жаңа ұғымды меңгеру сабағы

Қолданылатын әдіс-тәсілдер: жеке, жұптық, топтық жұмыстар

І.Ұйымдастыру кезеңі: Психологиялық тренинг

ІІ.Үй тапсырмасын тексеру. -Балалар, біз өткен сабақтарда сәбидің дүниеге келуіне байланысты бір бөлімді аяқтаған болатынбыз. Үй тапсырмасына

берілген мына сұрақтар бойынша сәбидің дүниеге келуіне байланысты салт-дәстүрлерді сахналап көрсету тапсырылған болатын.

- Дайынбыз ба балалар?

-Дайынбыз.

-Жақсы. Олай болса сәттілік тілеймін. (Сахналап көрсетеді)

Сұрақтар:

1.Сәбидің дүниеге келуі кімдердің қуанышы? (Ата-ананың, ата-әженің, туған-туыстың қуанышы)

2.Дүниеге сәби келгенде туған-туыстардан не сұралады?(Сүйінші сұралады)

3.Кім туды? деген сұраққа қалай жауап береді? (Ұл болса «тізгін ұстар», қыз болса «кесте тігер» деп тұспалдап жауап береді)

4.Сүйінші сұраған адамға не береді? (Мал, ақша, бағалы сыйлықтар береді)

5.Сәбилі болған отбасына қандай тілектер айтылады? (Құтты болсын! Бауы берік болсын!)

6.Сәбиді көрген адам не береді? (Көрімдік береді)

7.Ат қоюшы адам сәбидің құлағына «Сенің атың...» деп неше рет қайталайды және бұл ырым қалай аталады? (Үш рет қайталайды. Бұл ырым «Азан шақырып ат қою» деп аталады)

8.Жаңа туған нәрестенің құрметіне арналып жасалатын той ? (Шілдехана)

9.Сәбидің туғанына 40 күн толуына байланысты қандай дәстүр бар? (Қырқынан шығару дәстүрі)

10.Баланы шомылдырғанда үстіне неше қасық су құяды? (40 қасық су құяды)

11. Сәбиге тағы да не істеледі? (Қарыншашы мен тырнағын алады)

12.Суға салынған әшекейлерді кімдер бөліп алады? (Әйел адамдар)

Қойылымдар: Сценка

І.Сүйінші сұрау

Аделина: -Ата, әже, сүйінші! Анам босанды.

Данил: -Бауы берік болсын!

Айжан: -Жасы ұзақ болсын!

Милана: -Кім туды?

Аделина: - «Кесте тігер» туды. Қанеки, ата, әже, сүйіншімді беріңіздер.

Данил: -Сүйіншіге бір құлын ал.

Айжан: -Сүйіншіңе ақша берейін.

ІІ.Шілдехана және көрімдік сұрау, сәбиге ат қою

Аделина:-Шілдеханаға келіңіздер! (2-3 рет)

Милана: -Сәлеметсіздер ме? Сәбидің бауы берік болсын!

Аделина:-Сәбиді көру үшін көрімдік бересіз. Көрімдік! Көрімдік!

Милана:-Мінеки, көрімдік. Алыңыз.

Айжан:-Атасы, немереңізге азан шақырып ат қойыңыз!

Данил:-Сенің атың - Айгүл. Сенің атың – Айгүл. Сенің атың – Айгүл.

Айжан: Шашу шашады.

ІІІ.Сәбиді қырқынан шығару.

Айжан:-Сәбиді қырқынан шығарғанда сәбидің үстіне 40 қасық су құямыз. Қарыншашын қиямыз. Тырнағын аламыз. Ырым болсын деп, судағы әшекейлерді отырған әйел адамдарға береміз.

-Рахмет , балалар!

ІІІ.Өткенді пысықтау. Енді, балалар, біз сөйлем мүшелеріне байланысты ережелерді еске түсірейік.

1.Сөйлем мүшелері нешеге бөлінеді? (2-ге: тұрлаулы және тұрлаусыз мүшелер)

2.Тұрлаулы мүшелерді ата. (Бастауыш пен баяндауыш)

3.Бастауыштың сұрақтары қандай? Кім? Не? Кімдер? Нелер? Кімім? Нем? Кімің? Нең? Кімі? Несі?

4.Баяндауыштың сұрақтары қандай? Не істеді? Не қылды? Қайтті?

5.Тұрлаусыз мүшелерді ата. (Анықтауыш, толықтауыш, пысықтауыш)

6.Анықтауыштың сұрақтары қандай? Қандай? Қай? Қанша? Неше? Нешінші? Кімнің? Ненің?

7.Толықтауыштың сұрақтары: Барыс, табыс, жатыс, шығыс, көмектес септіктің жалғаулары: Кімге? Неге? Кімді? Нені? Кімде? Неде? Кімнен? Неден? Кіммен? Немен?

8.Пысықтауыштың сұрақтары қандай? Қашан? Қашаннан? Қалай? Қайтіп? Қайда? Қайдан? Не мақсатпен? Не үшін? Не себепті? Неліктен?

9.Сөйлемнің бірыңғай мүшелері дегеніміз не?

Бір сұраққа жауап беріп, бір ғана қызмет атқарып, бір ғана мүшемен байланысатын екі не одан да көп мүшелер сөйлемнің бірыңғай мүшелері деп аталады.

10. Сөйлемнің бірыңғай мүшелерінің арасына қандай тыныс белгісі қойылады?

Олардың арасына үтір қойылады.

ІҮ.Жаңа сабақ. –Жақсы, балалар, жарайсыңдар!

Топтық жұмыс:

1.Оқылым алдындағы тапсырма. -

А)Ой қозғау. -

-Қандай газеттер мен журналдарды білесіңдер?

-Ал мына суреттегі газет-журналдар кімдерге арналған? (балаларға, оқушылар мен жасөспірімдерге арналған)

- Газет-журналдар бізге не үшін қажет? (Қажетті жаңалықтармен танысу үшін)

-Ал қазіргі кезде біз қажетті жаңалықтарды тағы қайдан ала аламыз? (Ғаламтордан)

Өте жақсы! Олай болса біздің бүгінгі сабағымыздың тақырыбы «Мен жаңалықтармен танысамын» деп аталады екен. Олай болса барлығымыз дәптерімізді ашып, ай-күнін, сабақ тақырыбын жазып қояйық. Оқулығымыздың

106-бетіндегі мәтінмен танысайық. Мәтінді оқымас бұрын мәтіндегі бейтаныс сөздердің мағынасын біліп алайық.

Б) Бейтаныс сөздермен танысады.

Басылым-подписка

Жазылу-выписать

Ақпарат-информация

Жаңалықтар-новости

Көмегі тиеді-

Пайдалану-использовать, ползоваться

2.Оқылым тапсырмасы. Мәтінмен жұмыс жасайды.