Мен және менің анам 3 сыныпқа арналған сайыс сабақ

Сайыстың мақсаты: балаларды мейірімділікке, аналардың өлшеусіз еңбегін бағалай білуге үйрету. Анасын сүю арқылы еліне, жеріне деген сүйіспеншілігін арттыру. Оқушыларды ананың еңбегін ақтауға, анаға деген сүйіспеншілікке, ананы құрметтеп сыйлауға тәрбиелеу.

Мұғалім сөзі: Қайырлы күн, құрметті ұстаздар, ата – аналар мен оқушылар!

Бүгін біз келешек ұрпағымыз көрегенді, тәрбиелі де әдепті болуын алдын ала ойластыру, ата – аналар мен мектептің арасындағы байланысты нығайту мақсатында «Өзін – өзі тану Махаббат пен Шығармашылық» педагогикасы онкүндігі аясында «Мен және менің анам » тақырыбында сайысымызды ашық деп жариялаймыз.

Ана – барлық өмірдің бастауы. Ол адамды өмірге әкеледі, оны тәрбиелейді, өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана – ұлы адам, ана – құдіретті жан. Әлемдегі ең асыл жан ол – Ана десек, жүрегімізде сүйікті жанға деген махаббат сезімі оянады. Ана бұл аяулы да мейірімді жан. Олай болса бүгінгі сайысқа қатысушы аналарымызбен бүлдіршіндерімізге мәртебесі биік болсын, мәре төрінен көріне берулеріне тілектестік білдіре отырып, ортаға шақырайық!

Жүргізуші: - Бүгінгі сайысқа қатысушы аналарымыз бен балаларымызды қошеметтеп таныстырып шығайық.

1-ші анамыз. Тажаякова Анаргул Алпамыс Мухаммад

2-ші анамыз. Алиева Жазира Орах Ақбөбек

3-ші анамыз. Абилханова Айымгул Таңатар Айкөркем

4-ші анамыз. Изтурганова Ақтолкын Райымберді Сағыныш Жантуған Арайлы

5 -ші анамыз Ажбенова Құндыз Серік Ақмаржан

6 – ші анамыз Умбетова Жадыра Қайып Елдос

7 - ші анамыз Молдағалиева Замзагул Самат Жанерке

8 – ші анамыз Қарайдарова Жазира Уразғали Жолдасқали

Жүргізуші:

Өнерпаздар өнерін салыстырып,

Бәйге үшін терлетер шабыстырып.

Әділдікті қолдайтын баға беріп,

Жіберейік қазыларды таныстырып.

Сайысымызға әділ төрелік ететін әділ қазы алқаларымен таныс болыңыздар.

Тәрбие ісінің меңгерушісі: Тіркесбаева Ақмарал

Мектеп директоры : Жұмағазина Маржан

Музыка пәнінің мұғалімі: Есекенова Сандуғаш

Жүргізуші:

Аналар бар өнерін салары анық,

Өнегелі тәлімді алған қанып.

Ал ендеше таныстырып өтейін мен,

Бөлімдерін сайыстың бөліп жарып.

Сайыс бағдарламасы үш бөлімнен тұрады.

1 бөлім. «Тегін білмеген тектілік» Таныстыру

2 бөлім. «Таза мінсіз асыл тас, су түбінде жатады» сұрақ – жауап сайысы

3 бөлім. Өнер сайысы

Жүргізуші:

Келе жатқан мәңгілік дара салтын,

Мақтанышым, елдігім, парасатым.

Сенсің тілім, теңі жоқ тіршілігі,

Өміріме оң беріп жарасатын дегендей бірінші сайысымыз «Тегін білмеген тектілік» анасы мен баласы өздерін таныстырып өтсе.

Әділқазылар мүшелерінен таныстыруға берген бағаларын сұрасақ.

Жүргізуші:

Өзінің алғырлығын ұғындырып,

Көрсетер көппіз деген мығымқылық.