Мен және менің ортам психологиялық материалы

Тренинг сабақтың тақырыбы: «Мен және менің ортам»

Тренинг сабақтың мақсаты: Өмірде адамнан асқан құндылық жоқ екендігін түсіндіре отырып, бақытты өмір сүру үшін өзін-өзі психологиялық тұрғыдан дайындауға, жеке қасиеттерін білуге тәрбиелей отырып, дұрыс қарым-қатынасқа түсу мәдениетін және жағымды «Мен» концепсиясын қалыптастыру.

Тренинг міндеттері:

адамдар арасындағы қарым-қатынастың мәнін түсіну;

өз бойындағы жағымды және жағымсыз қасиеттерін білу, түзетуге көмектесу;

сыныптағы өз орнын және өзінің ортасын танып білуіне көмектесу;

сыныпта белсенді жұмыс жасауға түрткі ниетті қалыптастыру.

Сабақтың көрнекілігі: сабақтың ережесі жазылған плакат, А3-А4 қағаз беттері, фломастерлер, қарындаштар, қобдиша, адамгершілік қасиеттер жазылған стикерлер, үлестірмелі смаликтер, плакаттар.

Тренингтің ережесі:

Уақыт үнемдеу

Бірін-бірі тыңдау

Белсенділік көрсету

Достық қарым-қатынаста болу.

Сабақтың барысы:

Ұйымдастыру кезеңі.

«Танысу» жаттығуы (3 мин)

Кіріспе бөлім

«Мен және орта» ұғымдары туралы ақпарат беру (2 мин)

Негізгі бөлім

«Ой қозғау» (сұрақтар) (5 мин)

«Автопортрет» жаттығуы (10 мин)

«Геометриялық фигуралар» (7 мин)

«Сиқырлы қобдиша» (10 мин)

Бой жазу «Теңіз жағасында». (5 мин)

Қорытынды бөлім

«Алған әсеріңіз қандай» жаттығуы (3 мин)

Ұйымдастыру бөлімі

«Танысу» жаттығуы

Мақсаты: «Әрқайсымыздың есіміміз нені білдіреді?» - қатысушылар өздерін таныстыра отырып, есімдерін кім қойғандығын және нені білдіретіндігін баяндайды. Осы түрде қатысушылардың есімдерін еске ұстауға болады, топтың ұйымшылдығына септігін тигізеді.

Кіріспе бөлім

«Мен» дегеніміз – өзіндік санасы қалыптасқан, таным түсінігі жетілген, қоғамда өзіндік орны, көзқарасы, пікірі бар жеке тұлға. Ал жеке тұлға дегеніміз – өзінің қайталанбас индивидуалдығымен ерекшелетенін индивидтің әлеуметтік қатынас жүйесіне енуі, жеке дамуының өкілі ретінде адамдардың әлеуметтік қасиеттерінің толықтығы.

Орта- адам дамуына табиғи және әлеуметтік орта ықпал жасайды.

Негізгі бөлім

1). «Ой қозғау» (сұрақтар)

- Сіздің айналаңыздағы адамдарға деген көзқарасыңыз қандай?

- Сіз кез-келген жағдайда адамдармен тез тіл табыса аласыз ба?

- Егерде айналаңыздағы адамдар сіз туралы сыни пікір айтса қалай қабылдайсыз?

- Айналаңыздағы адамдарға үнемі көмек қолын созасыз ба?

2). «Автопортрет» жаттығуы.

Нұсқау: әр қатысушыға қос беттен беріледі, өз сипаттамасын тек бір жағына ғана жазу керектігі және 2 минуттан кейін есімдері көрсетілген беттерді мұғалім жинап алынатындығын ескертеді.

Жаттығу шарты: Сізді таныс емес адаммен кездесу күтіп тұр делік, ол бірден сізді тану үшін өзіңізді сипаттап жазыңыз. Көпшіліктен өзіңізді ерекшелендіріп тұратын белгілеріңізді табыңыз. Бет-әлпетіңізді, жүрісіңізді, сөйлеу мәнеріңізді, киім киісіңізді, зейінді аударарлықтай ым-ишараңыз болса т.б....

3). Геометриялық фигуралар