Мен және менің ортам психологиялық тренингі, 6 сынып

«Ю.Гагарин атындағы №3 жалпы орта мектебі» коммуналдық

мемлекеттік мекемесі

Тренинг сабақ

Тақырыбы: Мен және менің ортам.

Дайындаған: Нұрғалиева Г.А

2017 оқу жылы

Тренинг тақырыбы: Мен және менің ортам.

Кіріспе сөз: Сәлеметсіздер ме, құрметті ұстаздар мен оқушылар!

Бүгінгі біздің «Мен және менің ортам» атты тренинг – сабағымызға қош келіпсіздер!

Мақсаты:

өмірде адамнан асқан құндылық жоқ екендігін түсіндіру

бақытты өмір сүру үшін өзін-өзі психологиялық тұрғыдан дайындау

жеке қасиеттерін білуге тәрбиелеу

дұрыс қарым-қатынасқа түсу мәдениетін және жағымды «Мен» концепциясын қалыптастыру.

Тренинг міндеттері: - адамдар арасындағы қарым - қатынастың мәнін түсіну; - өз бойындағы жағымды және жағымсыз қасиеттерін білу, түзетуге көмектесу; - сыныптағы өз орнын және өзінің ортасын танып білуіне көмектесу; - сыныпта белсенді жұмыс жасауға түрткі, ниетті қалыптастыру;

Күтілетін нәтиже: Бір- бірімен жағымды қарым - қатынаста болу, әрбір оқушы сыйластық пен адамгершілік қасиеттерді ұстануға бағыт бағдар беру.

Көрнекіліктер: А4 қағаз беттері, фломастерлер, қарындаштар, үлестірмелі смайликтер, доп, жіп.

Тренинг құрылымы: а) Амандасу – «таныстыру» жаттығуы.

б) Бейне фильм в) «Автопортрет» жаттығуы.

д) «Мен басқаның көзімен» жаттығуы. е) «Өрмекші торы» жаттығуы. ІV. Қорытынды бөлім. а) «Жүйрік ой» жаттығуы.

б) «Қайта байланыс» жаттығуы.

а) Амандасу – «таныстыру» жаттығуы. Нұсқау: әр қатысушы өз есімінің бірінші әрпіне қарай бойындағы жеке қасиетін қосып айту керек. Мысалы: мен Бақытнұр бақытты қызбын....

б) «Автопортрет» жаттығуы. Нұсқау: әр қатысушыға қос беттен беріледі, өз сипаттамасын тек бір жағына ғана жазу керектігі және 2 минуттан кейін есімдері көрсетілген беттерді тренер жинап алынатындығын ескертеді. Жаттығу шарты: Сізді таныс емес адаммен кездесу күтіп тұр делік, ол бірден сізді тану үшін өзіңізді сипаттап жазыңыз. Көпшіліктен өзіңізді ерекшелендіріп тұратын белгілеріңізді табыңыз. Бет-әлпетіңізді, жүрісіңізді, сөйлеу мәнеріңізді, киім киісіңізді, зейінді аударарлықтай ым-ишараларыңыз болса т.б... Рефлексия келесі жаттығу жүргізілгеннен кейін жасалады. в) «Мен басқаның көзімен» жаттығуы. Нұсқау: Тренер алдыңғы жаттығуда алынған автопортреттерді кезекпен оқиды. Қатысушылар кімнің портреті екендігін табу керек. Табылған портрет иесі ортадағы орындыққа отырады. Жаттығу шарты: Портрет иесіне өзінің…