Менің арманым эссе үлгісі 2 сыныпқа арналған

Менің ұстаздық жолым

(Эссе)

Мен ұстаздықтың ауыр жүгін арқалауды өз жүрегіммен қаладым. Ұстаз болуды бала кезімнен армандадым. Оқып жүрген кезімде бауырларыма сабақ үйретіп мұғалім болатынмын, онымнан өзім рақаттанып, шаттанатынмын. Ақ қанат арманым орындалып, көздеген мақсатыма жетіп ұстаз атандым. Уақыт-ешкім тоқтата алмайтын кеме. Сол кеменің жүрісімен алғашқы еңбек жолымды"Көктем орта мектебінде " хатшы , өмір толқынымен жанұя құрып, "Қарлығаш " балабақшасында тәрбиеші болсам ,кейін мамандығым бойынша Есбол орта мектебіне жұмысқа орналасып, ұстаз болу бақытына ие болдым.

" Ұстаз деген-шәкірттердің айнасы ", -деп Қымбат Әбділдақызы айтқандай шәкірттердің шапағатына бөлендім. Әр күн сайын шәкірттеріммен жүздесуге асығамын. Мектеп- менің екінші үйім. Шәкірт санасына білім нәрін сеуіп тәрбиелеу- парызым. Еңбек өтілім екі-ақ жыл. Бір қарағанда аз, мен қазір педагогикалық шеберліктің биік шыңына қарай бет алып барамын. Оңашада ойға батам. Арман мен үшін ұмытылмас жылдар есігін ашты емес пе?! Мен шәкірттерімнің көзінен қуаныш көрсем, шаттанамын. Олай болса, менің мамандығым-жер бетіндегі теңдесі жақ мамандық.

"Мұғалім-өзгеге жарық бере отырып, өзі жанып кететұғын шам" деген сөз көкейіме оралады. Шамның орнына өзімді елестетемін. Шәкірттерімнің кеудесіне үміт отын жағып, қолынан жетелеп, биік белестерге жеткізіп, асуларды бағындыруға күш салып келемін.

Бастауыш сыныптың мұғалімі болу оңай ма? Жоқ! Әр оқушы -қайталанбас әлем. Көздері жәудіреп, білімге құштар әлемді жетелеп жүргеніме қуанамын.

Ұстаздық еткен жалықпас,

Үйретуден балаға,-

деп Абай атамыз айтқандай, әр шәкіртім білімнің айдынында еркін жүріп, өмірде бір кірпіш болып қаланса, төккен тер ақталмай ма?

Сайысқа қатысасың дегенде қатты толқыдым. ."Жаңа үлгідегі тәлімгер қандай болуы тиіс"- бұл сұрақ төңірегінде бұрын көп ойлана қоймаппын.Шынында, қандай болу керек? Ой елегіне салып, өткен күндерді еске алдым.Ұжымда тәжірибелі , білікті ұстаздар көп.Олардың сабағына, тәрбие шараларына қатысып ,көп нерсені үйрендім. Әріптестеріммен сабағым туралы үнемі пікірлесіп отырамын. Ел ертеңі - білімді ұрпактарды тәрбиелеуде мектеп тренерінің орны ерекше екенін сезіндім.. Мен мектеп тренері Әсем Жалмұқашеваның дәрістерінен,Жаңылсын Шадуованың өткізген коучинктерінен көп нәрсені білдім.Жаңалыққа жаны құмар,ізденгіш әріптестерімнің ықпалы көп.Маған әріптесім Ғалия Ихсанованы тәлімгер етіп бекітті.Міне, сол күннен бастап менің жұмысым жаңаша болды деп ойлаймын. Тәлімгерлік жұмысты жүйелі жүргізуді мақсат еткен апай алдымен менімен келісіп, мүмкіндігімді ескеріп, жүйелі жоспар құрды, мен оның дұрыс екенін жұмыс барысында түсіндім Апайдың қарапайым да сыпайы киім киісі, мәдениетті сөзі, әдепті жүріс-тұрысы, жинақы іс-әрекеті, білімі- шәкіртке де, ата-анаға да, жұртшылыққа да өнеге. Тәлімгерлік – ұзақ уақытқа созылатын, тәлімгер мен тәліп арасында сенімді, жеке тұлғаға бағытталған қарым-қатынас құру