Менің арманым мектептен тыс жұмысқа арналған материал

Менің болашақ мамандығым

«Армансыз адам – қанатсыз құспен тең» - дейді қазақ. Өмір – кеме, арман – ескек секілді. Ескек болмаса теңізде жүзе алмайтынымыздай, арманымыз болмаса, өмірде де алға жылжи алмайтынымыз анық. Армандау арқылы болашаққа деген сенім күшейеді, мақсат айқындала түседі. Және де жігерлене түсіп, өмірге деген құлшыныс артады.Әр адам жас шамасына қарай, өмір сүру салтына қарай түрліше армандайды. Мен кішкентай кезімде тезірек өсіп, мектепке баруды қалайтынмын. Мектепке барған кейін арманым асқақтай бастады. 3-сынып оқып жүргенде менде «ұстаз болсам» деген мұрат болды.

Ақырын жүріп,анық бас, Еңбегің кетпес далаға.Ұстаздық қылған жалықпас ,Үйретуден балаға,- деп Абай атамыз айтпақшы, ұстаз болу – қиын әрі қызықты іс. Бала кезімнен мектептегі ұстаздарымнын қалай сабақ беріп жүргенін көріп, «журнал ұстап, мұғалім болсам» деп армандадым. Мектепті де үздікке бітіріп, жоғарғы оқу орнына түсуге ниет еттім. Сол арманның жетегінде бәріне дайын болдым. Сабақты жақсы оқып, іс-шараларға да белсене қатысып келемін. Осы мұратым маған өмірде талмай ұшуға қанат бітіргендей болды. Соның негізінде қолға қалам алып, шығармашылығымды шыңдау үстіндемін.Қазір мен Қорқыт ата атындағы Қызылорда Мемлекеттік Университетінің бірінші кірсын тәмамдадым. Университетті де үздікке бітірсем, алға қойған мақсатымның орындалуына бар күш-жігерімді жұмсаймын. Алда кездескен сәтсіздіктер, кедергілерден қаймықпай өтіп, болашаққа нық қадаммен ұмтыламын. Мықты ұстаз болу үшін жан-жақтылық қажет екенін білемін. Сол үшін мектеп қабырғасынан бастап білімімді арттырып, білім сынағынан сүрінбей, аңсаған арманыма қадам жасамақпын. Ол үшін мақсатым – айқын. Мен білікті де білімді ұстаз болуды қалаймын. Соның арқасында бәсекеге қабілетті, жан-жақты азаматша болып қалыптасқым келеді. Оның үстіне

Мейлі, қай заман болмасын, қай ел болмасын, қай мамандық иесі болмасын ұстаздан тәлім алып, ұстазға бас иеді. Әлем мойындаған бұл мамандық иесі атану – мен үшін үлкен мәртебе. Сыйлы, болашаққа тәлім мен тәрбиені қатар сусындататын бұл маман иесі атану жолында қажырмас қайрат, үздіксіз оқу керек. Мен үшін арман – айқын бағдар, жол көрсететін жарық жұлдыз секілді. Мақсат-мұратсыз мен адасып кететіндеймін. Арманым мен мақсатым анық болса,…