Менің елім бастауыш сыныпқа арналған өлең жинағы

Қ.Қалыбеков атындағы орта мектеп

Менің елім - Қазақстан

(«Көркем сөз» сайысы)

Дайындаған: Хиясова Рая

Қарағойшиева Шарида

Менің елім – Қазақстан

Құрметті ұстаздар мен оқушылар, 3 сынып оқушылары мен 4 сынып оқушылары дайындаған «Менің елім – Қазақстан!» атты көркем сөз сайысын бастауға рұқсат етіңіздер.

Мақсаты: Оқушыларға еліміздің көп ұлттылығын, әрбір ұлтпен тату- тәтті өмір сүру қажеттілігін, Елтаңбасын, Әнұранын, Туын қастерлеуді түсіндіру. Туған елді, жерді сүюге , қоршаған ортаны қорғауға, аялауға үйрету. Оқушылардың сөздік қорын молайту, өз ойларын еркін жеткізуге дағдыландыру, тіл- байлықтарын, сөйлеу мәдениеттілігін дамыту.

Көрнекілігі: Мақал – мәтелдер, нақыл сөздер, өлеңдерден үзінді.

1. Кіріспе сөз

2. Әділ қазылар алқасын сайлау.

Республикам – әлемнің бай өлкесі,

Тынысы, ынта-жігер, берекесі.

Ұлдары бар ғарыштан бақыт тапқан,

Қыздарым бар елімнің бір еркесі.

1-кезең. Таныстыру.

2-кезең.

Қазақ елі қашан да жыр елі,

Тарихында тұлғалар көп киелі.

Қазақстан аясында бұрыннан,

Бірнеше ұлт бірге өмір сүреді.

«Менің елім -Қазақстан» тақырыбында көркем сөз.

Бір – бірімен тату- тәтті тұрады,

Бәрінің де Қазақстан тұрағы.

Туған жерге тебіренген сәттерде,

Ағылады өлең – жырдың бұлағы.

Ән: «Қазақ елі». Сисенбаева Гүлдана.

3-кезең. Отан дейміз от жаққан жерімізді,

Отан дейміз өсірген елімізді.

Отан дейміз туған жер атамекен,

Биік- тау, орман – тоғай көлімізді.

«Менің Отаным - Қазақстан» тақырыбында көркем сөз.

Ән: «Отырардағы той». Атшыбаева Әсемгүл.

4-кезең. Біз қазақ тілін, яғни ана тілімізді көп үйрендік. Ана тілі – бұл әкенің, ананың, туған халықтың тілі. Ана тілін біз кішкентай кезімізден әке-шешемізден, әжелеріміз бен аталарымыздан біле бастаймыз. Ананың ақ сүтімен бойымызға дарытамыз. Ана тілін жақсы білмей, сауатты сөйлеу, жазу мүмкін емес.

Ана тілім – жүрегісің анамның,

Жүрек- ана, мен өзіңнен жаралдым.

Сағат сайын саулығыңды тілеймін,

Сенсіз маған керегі жоқ ғаламның.

Сенің арқаң қанып ішсем тұнықтан,

Сенің арқаң дүниеден сыр ұқсам.

Анашымды ұмытқаным емеспе,

Ана тілім егер сені ұмытсам.

Сенің әрбір тынысыңмен күн кешем,

Сен арқылы тіршілікпен тілдесем.

Ел бетіне қалай тура қараймын,