Менің инновациялық кәсіби мансабым эссесі, 6 сынып

“Менің инновациялық кәсіби мансабым» (эссе)

Жоспар:

І Кіріспе: Мамандығым-мәртебем

ІІ Негізгі бөлім: “Менің инновациялық кәсіби мансабым»

ІІІ Қорытынды бөлім: Тәтті еңбек жемісі

І « Әсемпаз болма әрнеге» атты өлеңінде Абай Құнанбаев Сен де - бір кірпіш, дүниеге. Кетігін тап та, бар қалан! - деген екен, әрбір адам өз өмірінде өз орнын тауып, белгілі бір мамандықтың иесі болса, ол –сол адамның мәртебесі, қолы жеткен бақыт құсы болмақ.

Мамандығым мен үшін-қиындығы мен қызығы мол өмір жолы. Мен Жетісудің кіңдігі-Талдықорған қаласындағы үш бәйтерегінің бірі І.Жансүгіров атындағы Жетісу мемлекеттік университетін бітіріп, қазіргі таңда Алматы қаласында №102 бөбекжай- балабақшасында қазақ тілі пәнінен сабақ беремін.

Өз мамандығымды таңдау маған аса қиын болмады. Себебі мен бала кезімнен мұғалім болуды армандадым. Сол арманымды жүрегіме ұялатқан бірінші адам, ол-анам. Ол кісі де қазақ тілі мен әдебиеті пәнінің мұғалімі. Әрине, Абай Құнанбаев айтқандай «Адамның адамшылдығы жақсы ұстаздан» деген екен, маған тәлім-тәрбие беріп, мені үлкен өмірге қанаттандырған әрбір ұстазымның қас бейнелері көз алдымда. Мен де жас ұрпақты сол ұстаздарымдай тәрбиелеу үшін барымды салудамын, бірақ оқып, білгенімнен, әлі де оқып білетінім көп.

ІІ «Естілердің сөздерін ескеріп жүрген адам өзі де есті болады»,- деген екен Абай Құнанбаев.

Бала - болашағымыз десек, сол балаға жүйелі білім беріп, ынта – ықыласын дұрыс бағыттауды, қабілет - қасиеттерін дамытуды балабақшадан бастауымыз керек. Балабақшада жаңа педагогикалық технологияларды пайдаланудың басты мақсаты: оқыту мен тәрбиелеуде инновациялық технологиялардың элементтерін пайдалана отырып, жан - жақты, білімді, құзыретті тұлға тәрбиелеу.

ХХІ ғасырдың ұрпақтарын тәрбиелеу үшін үлкен шыдамдылық, жан-жақты ізденімпаздылық , темірдей тәртіп, терең білім керек екнін білемін.Сондықтан мен өз білімімді шыңдау мақсатында көп ізденіп, көп оқимын. Қазақстандық ұстаздардың білімін шыңдау үшін Ұлыбританияның Кембридж университеті мен Қазақстан Республикасының Білім министрлігі бірлесе ұйымдастырған «Өрлеу» курсының ІІІ деңгейін оқып, әріптестеріммен бірлесе қалалық, облыстық семинарлар өткіздім.

Балабақшада күнделікті өткізіп жүрген сабақтарымда сыни-тұрғыдан ойлау технологиясының мынандай әдістерін қолданып жүрмін:

Мен мысал ретінде «Киімдер» тақырыбын алдым.

1)Алдымен сабақты «Қарапайым сұрақтар» әдісінен бастадым— Бұл сұрақтарға жауап берген кезде нақты фактілерді атау керек.

Мысалы: Сенің атың кім? Сен неше жастасың? т.б.

2) Ой толғаныс әдісі немесе психология тілінде «Миға шабуыл» деп те аталады. Бұл әдіс көбіне ұйымдластырылған оқу іс - әрекетінің тақырыбын ашуда қолданылады.

Бірінші «Миға шабуыл» әдісі арқылы балаларға «5»-ке дейнгі сандарды еске түсірді.