Менің мамандығым сыныптан тыс жұмыс 9-сынып

Мақсаты:

Оқушыларға болашақ мамандық және оқу бағдарын таңдауда көмектесу, мамандық әлемі және оның ерекшеліктері туралы дүниетанымын кеңейту, оқушылардың мамандықтар туралы көзқарасын дамыту, таңдаған мамандығының өз бейімділігі мен қабілетіне сәйкес келуін нақтылау , өмірде өз орнын табуға тәрбиелеу .

Көрнекілігі: Әр түрлі мамандардың суреттері, мамандықтар туралы жазылған цитаталар, шарлар.

Кешке қатысушы көрермендер:

Жас мамандар- 8-9 -сынып оқушылары- Ұстаздар

Өту барысы:

І..Кіріспе сөз.

Мамандықтар туралы түсінік беру.

Ұшырдым жүрегімнен жыр кептерін,Қош келдің кешімізге, түлектерім.Мамандарды төрімізге шақырайық,

Кешіміздің қонақтарын,кейіпкерін,

-Құрметті,бүгінгі кеш иелері ауылымыздың жас мамандары, оқушылар және ұстаздар! Баршаңыз да бүгінгі «Менің мамандығым.» атты кездесу кешіне қош келдіңіздер!

Осы кешіміздің кіріспе сөзі ретінде мектеп басшыларына сөз берейік. Мектеп директоры Г.Аманкелдіқызы, оқу ісінің орынбасары Г.Болатқызы және тәрбие ісінің орынбасары міндетін уақытша атқарушы Ж.Тілегенқызына береміз.

Мектептен түлеп ұшқалы отырған 9 -сынып оқушыларын «қандай мамандықты таңдаймын» немесе «таңдаған мамандығыма қалай қол жеткіземін» деген ойлар мазалайтыны анық. Мамандық таңдау кезеңінде тұрған оқушыларға бағыт-бағдар беріп, таңдау мүмкіндіктерін шешу үшін ұстаздармен, кешегі түлектер, бүгінгі маман иелерімен ой бөлісу, пікір алмасудың маңызы өте зор. Адам өзінің болашақ кәсібіне әр түрлі жолдармен келеді. Біреулер үшін – ол ойға алған арманының орындалуы, отбасы дәстүрін жалғастыру, келесі біреулер үшін – жаңалыққа, дербестікке талпыныс, үшінші біреулерге - әйтеуір бір мамандық алу керек болған соң т.б. Мамандықты таңдау үшін, адам ең алдымен өзін, өз бейімділігін тануы қажет. Өз-өзіне «Мен кіммін?», «Осы өмірдегі менің орным қандай?», «Қалай өмір сүремін?» деген сұрақ қоймайтын адам кем де кем. Мынау көп салалы өмірде мамандықтың түрі көп. Әрине таңдау жасау оңай емес. Ең бастысы – адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт. Өз ісіне сенімді, дұрыс таңдаған адам ғана жетістікке жетеді. Адам еңбегінен қуаныш таба білсе, бойына жаңа күш қосылып, еңбекке деген шабыты арта түседі. Зор ықылас, шабытпен і

Әзір ас жоқ дүниеде.

Сабақ өзі оқылмайды,

Көйлек өзі тоқылмайды,

Тұқым өзі себілмейді,

Үйлер өзі салынбайды,

Кендер өзі табылмайды,

Кітап өзі жазылмайды.

... Барлық істің батыры – біз,

Екі қол мен ақылымыз. –

демекші бүгінгі мектеп бітіруші түлектер, қандай маман иесі болсаңыз да ақылымызбен алға қарай нық қадам басуымыз керек.

ІІ. Мамандық дегеніміз не? Мамандарға ,оқушыларға сұрақ,

Атақты ғұлама Әл – Фараби :

Ісім оңсын десеңіз,Сол істің маманы болыңыз.Даңқым шықсын десеңіз,Көпшіліктің адамы болыңыз,- десе,

мамандықты дұрыс таңдау - ол өмір жолының сәттілігінің негізі- деген екен психолог Эвальд Зеер .

Әлемде 50 мыңға жуық мамандық бар екен және жыл сайын оған 500 - ге тарта жаңа түрі қосылып отырады екен. Олардың ішінен өзімізге қажеттісін қалай таңдауға болады? Біз олардың қаншасы туралы білеміз? «Мектеп бітіргеннен кейін кім боласың?» деген сұрақтарға мектеп оқушыларының көбісі нақты жауап бере алмайды. Араларыңызда кейбіреулерің ендігі қандай маман иесі болатыныңызды, қандай бағытта, оқу орнында оқитыныңызды анықтаған шығарсыз және де өздеріңнің болашақ кәсіби қызметтеріңді жақсы білетін де шығарсыз. Дегенмен де өз таңдауыңды тағы бір тексерген артық етпейді, таңдаған мамандығыңыз шындығында өзіңізді жетілдіруге мүмкіндік бере ме, сол жөнінде ойлануға кеш емес. Жаман мамандық жоқ. Мамандықтың бәрі жақсы.сонымен, «Мамандық» дегеніміз не?

Мамандық - қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.

Кәсіп, Сүйікті іс, Шығармашылық, Қызығушылық, Еңбек көзі,табыс көзі.

Студент ертеңіне жол ашады,Асқақтап нұрлы болар болашағы.Дәл осы мектебімде білім алған,Маман боп бүгін міне қаланады,-