Менің мамандығым туралы мақала, дене шынықтыру саласы

Менің мамандаығым.....

Мен Бердиғали Фариза Каспий өңірі Болашақ колледжінің студеттімін. Мектеп табалдырығындағы әрбір оқушының көкірегінде басты сұрақ болашақта кім боламын? және қандай мамандық таңдаймын?! Менде бір жылдары осы сұрақ бойынша көп толғаннан мектеп бітіруші оқушы едім...!

Қазіргі таңда Каспий өңірі Болашақ колледжінің «Дене тәрбиесі және спорт» мамандығының III курс студентімін. Таңдаған мамандығымен жеңіл әрі оңай болып көрінгенімен, тәжірбие жүзіне келгенде оңай мамандық емес екені анық.

Менің таңдаған мамандығым жас баладан еңкейген кәріге дейін айналысатын, белгілі бір жас ерекшеліктеріне немесе ортаға қалыптасқан мамандық түрі емес екені айдан анық. Спорт әрбір адам өмірінде маңызды орын алады. Спорт ол біреу үшін денсаулығының мықтылығы, енді біреудің өмірінің бір бөлшегі, жұмысы, адал асы десек қателеспейміз. Кімнің болмасын жанының, тәнінің сау болғанын қалайтыны шүбәсіз. Салауатты өмір сүру, баланың кішкентай кезіне бастап бойына сіңіре өсуден басталады. Дене тәрбиесі мен спорттың ұқсастықтары болғанымен олардың айырмашылығы басым.

Мектеп бағдарламасындағы «дене тәрбиесі» балаларды дене шынықтырумен айналысуға шақыра отырып олардың сыртқы сымбатын қалыптастыра шапшаңдыққа, ұйымшылдыққа, төзімділікке үйретеді. Дене тәрбиесі оқушыларға сыртқы орта факторларын пайдалана отырып денесінің шынығуын қамтамасыз етеді. Спорт бұл әрбір жеке тұлғаның жан қалауымен таңдаған, ерікті айналысатын спорт түрі деуге болады. Таңдаған спортты оның сол бағытта ширақ, епті әрі кәсіби болуға дейін апаратыны сөзсіз. Спорттың тағы бір екершеліге оның дене шынықтыру сияқты бастан аяққа дейін орындалатын жаттығуларна қарағанда белгілі, таңдаған спортында мықта болуна көмектесетін жатттығуларының көп әрі тиімді болуын баршаға мәлім. Дене тәрбиесінің берер пайдасы бір бөлек, спорттың берер пайдасы бір бөлек. Дене тәрбиесі күнделікті жаттығуларды жасауды қалыптастырса, спорт күнделікті жаттығулар мен қоса оларды жетілдіруді, күшейтуді және нәтижені талап етеді.

Білім алып жатқан мамандығымды әрбір қыз баласын таңдай бермейтін, жүрексынатын мамандықта тәуекелге барып білім алып жатқанына өкінбеймін. Баламен психологиялық және физикалық тұрғыда, сонымен қатар оның қоғамдық ортаға қалыптасуына әрі сымбатты болуына күш салу кез-келген жанның қолынан келе бермейтін ерекше мамандық иесінің жүмысы.