Менің Отаным Қазақстан ертеңгілігі мектепке дейінгі балаларға

Білім беру салалары: «Коммуникация»

Бөлім: Сөйлеуді дамыту

Мерзімі:

Тақырыбы: Менің Отаным - Қазақстан

Мақсаты: Балаларға Отанымыз Қазақстан, елбасы, рәміздері туралы түсінік беру. Суреттер бойынша сөйлемдер құрату арқылы тілдерін дамытып, рәміздерді ажырата білуге үйрету. Отанымызды құрметтеуге тәрбиелеу.

Құрал- жабдықтар:Жеке суреттер, Елбасының суреті, рәміздердің суреттері жеке- жеке, ойынға керекті заттар, теледидар,қазақтың күйі.

Сөздік жұмыстар: ту, көгілдір, күн, бүркіт, ою.

Билингвалдық компонент: Отан –родина, рәміздер –символы, президент- президент

Әдіс-тәсілдер: жылулық шеңбері,сұрақ-жауап , түсіндіру, сергіту сәті,ойын,суреттермен жұмыс, тілдік жаттығу

Әрекет кезеңі

Тәрбиешінің іс-әрекеті

Баланың іс-әрекеті

Мотивациялық қозғаушы

Ұйымдастыру

Жылулық шеңбері.

Қайырлы күн, менің сүйкімді балапандарым, сендерді көргеніме өте қуаныштымын.Көңіл күйлерің жақсы ма?

-Қазір сендермен ойын ойнап, көңілімізді көтеріп алайық.

“Шар” ойыны

Тамаша, біз неге ұқсадық, қане, бір-бірімізге қарап күлімсірейікші. Балалар сендер бақытты балапансыңдар, олай деуім біздің өзіміздің Отанымыз бар. Отан – біздің туған жеріміз, отбасымыз.Әр адамның өз Отаны болады.Біздің Отанымыз Қазақстан Біздің Отанымыз қалай аталады?

Қане, барлығымыз бірге айтайықшы, біздің Отанымыз –Қазақстан!

Балалар қуанады, көңіл күйлерінің жақсы екенін айтады.Ойынды қызыға ойнады. Шар жарылды дегенде шеңбер ішіне кіріп, демдерін сыртқа шығарады, шар үрдейміз дегенде, үлкен шеңбер болып, шарды үрдейді.Барлығы бірге біздің Отанымыз Қазақстан дейді.

Іздену ұйымдастырушылық

Суреттермен жұмыс.

-Балалар біздің президентіміз, рәміздеріміз бар.

-Біздің президентіміз – Н.Ә .Назарбаев

Қане, барлығымыз президент деп айтайық. Президентіміз кім? (барлығы бірге айтады)

Сергіту сәті.

“Мен қазақпын” теледидар арқылы

Сурет бойынша рәміздермен таныстыру.

-Мынау біздің туымыз. Тудың түсі балалар аспан түстес көгілдір, ортасында күн,күннің астында ұшып келе жатқан бүркіт, шетінде қазақтың оюы бар.

Сөздік жұмыс: ту, көгілдір, күн, бүркіт, ою.

Ойын: “Өз туыңды тауып ал”

Ойынның шартымен таныстыру

Тілдік жаттығу

У-у-у-у,

Көгілдір ту,ту.

Сурет бойынша елтаңбамен таныстыру

-Мына суретте біздің елтаңбамыз.Елтаңбаның пішіні домалақ, шаңырақ, күн сәулесі,жұлдыз, “Қазақстан” деген жазу бар.

Сөздік жұмыс: елтаңба, шаңырақ, жұлдыз.

-Қане, барлығымыз елтаңба сияқты домалақ болайық. Шеңбер жасап тұра қалады.

Ойын: Қыз қуу

Ойынның шартын түсіндіру, көрсету.

Мұқият тыңдайды

Барлығы бірге қайталайды.

Қимылмен көрсетеді.