Менің Отаным Қазақстан мақаласы 3 сыныпқа

3 сынып 1.09.2018ж

Тақырыбы: Мен кішкентай патриотпын!

Мақсаты: Балаларды Отанға деген мақтаныш, патриоттық сезімін дамыту. «Азамат» деген сөздің терең мәнін түсіндіріп өту. «Кісі елінде сұлтан болғанша, Өз еліңде ұлтан бол.» мақалдардың мағынасын талқылап, түсіндіру, балалардың пікірлерін тыңдау.Көрнекіліктер: суреттер, қарындаштар, ақ қағаз, түрлі – түсті қарындаш.

Кіріспе:Балалардың назарын сабаққа аудару.Үлкенге де “СІЗ”, Кішіге де “СІЗ”.Бар адамға құрметпен,Бас иеміз біз!Сұрақ:

1.Балалар, біздің Отанымыз қалай аталады?

2. Қазақстан Республикасының президенті кім?

3. Отанымыздың Астанасы қай қала?

4. Қазақстан Республикасының рәміздерін біліміз бе?

5. Қазақстан Республикасының тудың, әнұранның авторы кім?

6. Мемлекеттік тіліміз қандай тіл?

Балалар, Отан деген не, кім қалай түсінеді?-Отан – әр адамның жүрегіне жылы тиер қасиетті сөз.

Отан –сенің туған елің, туған жерің, дос –жарандарың, туған туысқаның. Отан- бұл өзіңнің тұратын, өмір сүретін, қызмет ететін жерің. Отанды анаға теңейді. Себебі, Отан сендерді анаңдай қорғайды, көмектеседі, күш береді.

Біз Отанымызды, елімізді сүйеміз.

Сендерге осы жаңа оқу жылында өздеріңді білім, өнер, тәрбие жағынан яғни тек жақсы қырларыңнан көрінулеріңе тілектеспін. Жақсы тәрбиелі, өз елін отанын сүю үшін адамның бойында қандай қасиеттер болу. Қазір мен сендерге әріптер көрсетемін сендер сол әріптен басталатын жақсы адам бойынан табылатын қасиеттерді айтасыңдар.

П - парасаттыА - ақылдыТ - талантт рухы биік, Р- рахымшыл

И- инабатты, ибалыО - отансүйгішТ – тәрбиелі

Алдымен «патриот» деген кім, ол қандай адам деген сұраққа анықтама беріп кеткенім жөн болар. Патриот – ұлтын сүйетін, өз тарихын, туған тілін құрметтейтін, ұрпақтан ұрпаққа

жалғасқан салт – дәстүрін дәріптейтін, ұлттық қадір – қасиетімізді арттыруға үлес қосатын саналы тұлға. Туған елі үшін үнемі тер төге қызмет етіп, халқымыздың мол рухани құндылықтарын бағалай білетін асыл тұлға.

Тапсырма :

Отан туралы мақал – мәтелдер айту.

Отан туралы өлең, тақпақтар айту.

Менің Отаным тақырыбына суреттер салу.

Қорытынды

Еліміздің мұратына айналған «Мәңгілік ел» идеясы - халықтың әл-ауқатын жақсартып, ынтымағын арттыратын, елді дамудың жаңа сатысына жетелейтін жаңа қадам. «Мәңгілік ел» идеясының маңыздылығын Елбасы Н.Назарбаев «Қазақстан жолы - 2050: бір мақсат, бір мүдде, бір болашақ» атты жолдауының негізі етіп алып, бұл туралы өз сөзінде: «Бір жыл бұрын мен еліміздің 2050 жылға дейінгі дамуының жаңа саяси бағдарын жария еттім. Басты мақсат – Қазақстанның ең дамыған 30 мемлекеттің қатарына қосылуы. Ол – «Мәңгілік Қазақстан» жобасы, ел тарихындағы біз аяқ басатын жаңа дәуірдің кемел келбеті...

Барлығымыз қолымызды жоғары көтеріп, «Көк тудің желбірегені» әніне қосыламыз.

Тәуелсіз Қазақстан-Ұлы Отаным,

Көк туымды қалайша құлатармын.

Тып-тыныш тұрып жатқан жайымыз бар,

Бәріміз баласындай бір атаның.

Елімізде бақ-береке, ырыс болсын.

Қазақ тілім қанжардай қылыш болсын.

Халқымның ахуалы дұрыс болсын.

Елімізде әрқашан тыныш болсын!

Мәңгілік еліміз жасасын!

3 сынып 1.09.2018

Тақырыбы: Мен кішкентай патриотпын!

Мақсаты: а)Оқушылардың санасына туған Республика туралы мағлұматтарды кеңейту, еліміздің қысқаша тарихымен, ұлттық белгілерімен, мемлекеттік рәміздермен таныстыру.

ә) Ана тілін сүюге, халқымыздың әдет – ғұрпын, тілімізді, салт – дәстүрлерін сақтап, әр қарай жалғастыруды дамыту

б)Туған өлкеге, өз Отанына деген оқушылардың зейінін аудара отырып, оларды отаншылдық рухта тәрбиелеу,

Көрнекілік: ҚР Елтаңбасы, Туы, Гимні жазылған плакат, Қазақстанның картасы, қанатты сөздер жазылған плакаттар.Интерактивті тақта. «Ауылым менің - Ақтөбе» кітабы

Сабақтың барысы:

1 Ұйымдастыру.

2 Негізгі бөлім.

Мұғалім:

- Балалар Отан дегенді қалай түсінесіңдер?

Оқушы:

Отан – менің ата анам,

Отан досым, бауырым,

Отан - өлкем, Астанам,