Менің Отаным Қазақстан тәрбие сағаты 1 сынып

Сабақтың тақырыбы: «Менің Отаным Қазақстан»!

Сабақтың мақсаты: Оқушыларды Отанын сүюге, еліміздің рәміздерін қастерлеуге, бай - қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін ояту, патриоттық сезімге тәрбиелеу. Оқушылардың бойында адамгершілік-рухани қасиеттерін қалыптастыру.

Көрнекіліктері: Қазақстан картасы, еліміздің рәміздері, ел президентінің суреті. жалауша, суреттер, плакат

Әдісі: сұрақ - жауап, пікірталас, диалогСабақтың барысы:

Ұйымдастыру.

ә) оқушыларды отырғызу

Мұғалім: Құрметті оқушылар, ата аналар! Сіздерді бүгінгі алғашқы қоңырау мерекесімен, алғаш рет мектеп табалдырығын аттап отырған қуанышты мерекелік күнімен құттықтаймын.

Шаттық шеңбері.

Балалар тақта алдына шеңбер жасап тұрады.

Бүгін біз мектепке келіп алғашқы білім күніне арналған сабағымызды өткелі отырмыз. Сабағымызды бастамас бұрын алдымен бір-бірімізбен танысып «Мен оқушымын» деген атқа ие болғанымызды көрсетейік.

Дұрыс айтасыңдар балалар, мен де сендерді бүгінгі күннен бастап оқушы атанғандарыңмен құттықтаймын.

Мұғалім: Балалар оқушы мектепке не үшін келеді?

Мектеп сендерге нені үйретеді?

Оқушылар жауабы: сурет салуға, білім алуға, әдепті бала болып өсуге, ұқыпты, таза болып жүруге.

Дұрыс айтасыңдар, осы айтқандарымызды орындасақ ақылды, әдепті, ұқыпты оқушы болып өсеміз.

Биылғы жаңа оқу жылының басталуы біз үшін өте жағымды, жақсы жаңалықтарға толы. Оның барлығы біздің данышпан көшбасшымыз Нұрсұлтан Әбішұлы Назарбаевтың еңбегінің жемісі. Жаңа оқу жылын бастау біздің жарқын болашаққа деген ұмтылысымызды, білім алуға деген құштарлығымызды арттырары сөзсіз деп есептеймін. Өздеріңіз байқап отырғандай бүгінгі алғашқы білім күні сабағының тақырыбы: «Менің Отаным Қазақстан»! .

Алдымен осы тақырыпқа байланысты сіздердің ой пікірлеріңізді тыңдасақ:

- Балалар, біздің Отанымыз қалай аталады екен?- Қазақстан

- Қазақстан мемлекетін кім басқарып отыр?

- Президент Н.Ә.Назарбаев.

- Еліміздің бас қаласы туралы не білеміз?

- Қазақстан жері қандай?- Қазақстан жері үлкен, әдемі, әрі бай.

Мұғалім: Қазақстан жері батыстан шығысқа қарай 300 000 шақырымға, солтүстіктен оңтүстікке қарай 1700 шақырымға созылып жатыр. (картадан көрсету) (- Біздің еліміз - жерінің кеңдігімен қатар, табиғи байлығы да мол мемлекет. Өріс толы малы, тайдай тулаған балығы, теңіздей толқыған егіні, дала толы аң - құсы, таусылмас кен байлығы да жеткілікті, мол. Осы Қазақстан еліндегі өсетін өсімдіктерді, тіршілік ететін жануарларды, жер астынан шығатын табиғи байлығымыздың барлығымен біз бастауыш сыныпта оқып жүріп танысамыз.- Балалар, «Отан» деген сөзді қалай түсінеміз?…