Менің Отаным Қазақстан тәрбие сағаты, 1-сынып

Тақырыбы: Менің Отаным- Қазақстан.Мақсаты: 1. Оқушыларды Отанды сүюге,құрметтеп қастерлеуге, өз елін, тегін тарихын білуге тәрбиелеу.

2. Оқушылардың таным белсенділіктерін, қызығушылықтарын дамыту.

3. Оқушыларға патриоттық, эстетикалық,адамгершілік тәрбие беру, өз ой –пікірін білдіре алатын оқушыларды тәрбиелеу.

Көрнекілігі: Суреттер,бейне материалдар.

Барысы:

Ұйымдастыру.

-Құрметті ата-аналар!

- Мектеп табалдырығын аттаған кішкентай ғана бүлдіршіндерім. Қадамдарыңа гүл бітсін.

Білім әлеміне қош келдіңіздер.-Кәне,балалар дұрыстап тыңдайықшы құлағымызға қандай дыбыс келіп тұр? Тындайықшы.Бұл ненің дыбысы?

-Қоңыраудың дыбысы .

-Дұрыс балалар, бүгін сендер үшін сендерді білім алуға шақырған алғашқы қоңырау соғылды. Біз енді осы қоңыраудың үнімен сабағымызды бастап, сабағымызды аяқтаймыз. Алғаш сабақ басталған кезде не істейтін едік?

-Орнымыздан тұрып амандасамыз.

-Сәлеметсіздер ма, балалар! Айқара ашқан есігінҚайнары білім нұрының.Мектебің алтын бесігіңЖылы ұяң, міне сыныбың.Ал енді Білім күніне арналған алғашқы сабағымызды бастайық.

-Оң қолымызды сол жақ кеудемізге қоямыз.Қандай кезде біз осылай тұратын естеріңізде ме?

-Әнұран орындағанда.

-Дұрыс, балалар олай болса біз алғашқы сабағымызды Қазақстан Республикасының әнұранымен бастайық.

Әнұран орындалады.

Кіріспе сөз.Мұғалім:

-Балалар сендер қайдан келдіңдер?

-Үйден

-Үйде кімдер бар?

-Әкем, анам,апам т.б

-Біз оларды бір сөзбен қалай атаймыз?

-Отбасы деп атаймыз.

-Ал, жақсы енді бүгін қайда келдіңдер?

-Мектепке келдік.

-Мектепте кімдер бар ?

-Оқушылар,ұстаздар бар.

-Ал көшеде кімдер бар?

-Адамдар бар.

-Олар осы ауылдың адамдары.

-Біздің ауылымыз қалай аталады?

-Круглоозерный деп аталады.

-Біз Қазақстанның Батыс облысында тұрамыз. Біздің облысымыздың орталығы Орал қаласы. Ал біздің республикамыз қалай аталады?

-Қазақстан Республикасы.

-Міне балалар бұлар біздің туып өскен жеріміз.Біз оны бір сөзбен Отан дуйміз. Отан -әр адамның жүрегіне жылы тиер қасиетті сөз.Отан –сенің туған елің, туған жерің, дос- жарандарың,туған туысқаның.Отан бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді.Себебі, Отан сендерді анаңдай қорғайды, көмектеседі, күш береді.Біз Отанымызды ,елімізді сүйеміз. - Балалар біздің Отанымыз қалай аталады?- Қазақстан.

-Қазақстан қандай мемлекет?

-Тәуелсіз, егеменді.

-Тәулсіз елдің өзінің елбасы, рәміздері, тілі, ақшасы, заңы және шекарасы болады.

-Қазақстан Республикасының елбасы кім?