Менің Отаным Қазақстан тәрбие сағаты мектепалды даярлық

«Атамекен орта мектебі»ММ

Тақырыбы: «Менің Отаным – Қазақстан»

Дайындық «Ә» сынып жетекшісі: Адилбаева Гулжан

2015-2016 оқу жылы

сәуір

Тәрбие сағатының тақырыбы: Менің Отаным - Қазақстан

Тәрбие сағатының мақсаты: Балаларды Отанды сүюге, Қазақстан

Республикасының рәміздерін қастерлеуге, еліне, туған жерге деген сүйіспеншіліктерін арттыру мақсатында олардың сөздік қорларын дамытып, танымдық қызығушылықтарын арттыру.

Көрнекілігі: Слайд, Қазақстанның картасы, елбасы суреті,

Қазақстан Республикасының рәміздері: Әнұран, Ту, Елтаңба

Сабақ барысы:

Қазақстан Республикасының Әнұранымен басталады.

Мұғалім:

Балалар, біз тұратын мемлекет қалай аталады?

Балалар:

- Қазақстан!

Мұғалім:

- Дұрыс айтасыңдар, біз Қазақстан мемлекетінде тұрамыз! Осы біздің Отанымыз Қазақстанның бас қаласы қалай аталады?

Балалар:

- Астана.

Мұғалім:

- Жарайсыңдар.

Олай болса, барлығымыз да Қазақстан картасына назар аударайық.

Мынау біздің бас қаламыз Астана қаласы. Ол әдемі, көрікті қала.

Оның әдемі қалалары, өзендері, көлдері бар. Және онда бәйтерек бар екен, оның биіктігі – 97м. Біз картаға қарап байтақ жерімізбен, бас қаламызбен таныстық.

Ендеше осы Отанымыз Қазақстан туралы тақпақтарымызды айтайық:

Ақбота: Менің елім Қазақстан

Бар ғой онда бәрі де

Өзен де бар, көл де бар,

Орман да бар, тау да бар,

Аяулым: Ен даласын егін жапқан,

Бар баласы бақыт тапқан,

Менің елім, туған жерім

Күн сәулелі, Қазақстан!

Гүлбану: Ортақ бізге бір Отан,

Төбемізде бір аспан

Барлық ұлттын баласы

Достығымыз жарасқан.

Арай: Отан – менің ата-анам,

Отан – досым, бауырым

Отан – өлкем, астанам

Отан –туған ауылым.

Ринат: Астана – арман қала

Астана – сұлу қала

Біз оны анамыздай

Сүйеміз шынында.

Мұғалім:

Жарайсыңдар, біздің елімізде көптеген ұлт өкілдері тұрады екен.

Сондай-ақ біздер еш уақытта ұлт өкілдерін айырмауымыз керек екен.

Олар бір- бірімен дос, тату тұруы керек, және де балаларымен тату-тәтті

ойнап өмір сүруіміз керек.

Балалар, енді Отан туралы қандай мақал – мәтелдер білеміз?

Жандарбек: Отан – елдің анасы.

Алтынай: Туған жердің күні де ыстық, түні де ыстық.

Марс: Жері байдың елі бай.

Раимбек: Отан – қуат

Отбасы – шуақ.

Камила: Отан – оттан да ыстық.

Жанель: Елің – панаң,

Жерің – анаң.

С. Жанболат: Отанды сүю отбасынан басталады.

Қалдыбек: Туған жердей жер болмас, туған елдей ел болмас.