Менің Отаным – Қазақстан туралы эссе үлгісі

Тақырыбы : Менің Отаным

ЭССЕ

«Менің Отаным»

Шықшы тауға қарашы кең далаңа,

Мәз боласың,ұқсайсың жас балаға.

О шеті мен бұ шетіне жүгірсең,

Шаршайсың ба, құмарың бір қана ма?

Уа, дариға, алтын бесік-туған жер.

Қасым Аманжолов

Отан – адам өмірінің бір бөлшегі. Олай дейтін себебіміз, әр адам туған жерінде дүниеге келіп, туған жерінің топырағында аунап, суын ішіп, ауасымен тыныстайды.

Кіндік қаны тамған жер, әр пенде үшін – алтын ұя. Сол алтын ұяға деген махаббат туылғаннан бастап, адам бойында пайда болады. Отанға деген ыстық сезімді одан әрі отбасы дәріптейді. «Отан отбасынан басталады» деген сөз де осыдан қалыптасқан.

Біздің Отанымыз – Қазақстан. Мен Қазақстан Республикасында тұрып жатқанымды мақтана жар салып айта аламын. Қазақстан – өркениетті, тәуелсіз, көпұлтты, қонақжай ел. Қазақстан Республикасында 18 миллионнан астам халық өмір сүреді. Оның ішінде қаншама ұлттар бар. Осыдан-ақ, Қазақстанның көңілі кең және достығы жарасқан мемлекет екенін байқауға болады. Қазақ жерінің жомарттылығынан, осы өлкелерге тағдыр алып келген барлығына құшағын кең жайып, пейілін кеңге салатыны ғасырлар бойы қалыптасқан қазақы мінез десек те болады.

Тәуелсіздік – әр қазақ үшін ұлы, қадірлі күн. Мінекей, Қазақстан Республикасының тәуелсіздігін алғанына осымен 26 жыл. Ата-бабамыз тәуелсіздік үшін күресте найзаның ұшымен, білектің күшімен күрескен. Аталарымыздың ерлігінің нәтижесі біз үшін-өшпес мұра. Сол батырларымызды атап айтсақ, Бауыржан Момышұлы, Әлия Молдағұлова, Мәншүк Мәметова, Талғат Бегалин және т.б. Тәуелсіздік қазақ халқына 1991 жылы бұйырды.Қазақстан Республикасы азат ел атанғаннан кейінгі даму сатылары елбасы арқасында қалыптасуда. Қазақстанның елбасы Нұрсұлтан Әбішұлы Назарбаев. Оның жасап жатқан көреген саясаты арқасында Қазақстан одан әрі көркеюде. Біздің президент 1940 жылы 6 шілдеде дүниеге келген. Ол кішкентай кезінен бастап зерек, ақылды болып өседі. Президент 1 желтоқсанда сайлауға түсіп, көп дауыс жинап, жеңіп шықты. Ол қазірге дейін өзінің саясатымен Қазақстан Республикасын өркендетуде. Оның Қазақстанға жасаған еңбегі теңіз суындай. Н.Ә.Назарбаев атамыздың ойларын жиі оқимын, оқыған кезде елге деген махаббатым оянып, одан әрі жігерлене түсемін. Ол қазіргі кезде қаншама мемлекетпен қарым-қатынас…