Менің отбасым байлығым тәрбие сағаты

Тақырыбы: Менің байлығым –отбасым!

Мақсаты: Ата-анаға деген бала махабатын ояту, мектеп, ұстаз ата-ана бірлігін нығайту.

Балалардың бойына отбасына деген сүйіспеншілдікті ұялата отырып, ата-ана мен бала арасындағы сыйластықты, тәрбиенің алғашқы алтын қазығы өз туған ұясы екенін жете түсіндіру.

Балаларды ынтымақ пен ұйымшылдыққа тәрбиелеу.

Көрнекілігі: Суреттер, нақыл сөздер, видеоролик, слайд.

Барысы:

Ұйымдастыру кезеңі.

Оқушыларды екі топқа бөлу.

І топ----Шаңырақ тобы

ІІ топ---Қуаныш тобы

Кіріспе

Білгенге маржан... Мақал-мәтелді жалғастыр.

Сан сұраққа бір жауап. Сұраққа жауап беру.(ата-аналарға)

«Тығырықтан шығу» тақырыбында жағдаяттық сұрақтар.

Отбасы туралы тақпақтар

Қорытынды

Кіріспе сөз. Құрметті ұстаздар, ата-аналар!

«Менің байлығым-отбасым!» атты ашық тәрбие сағатымызға қош келіпсіздер!

Тәрбие-отбасынан басталады, болашақ ұрпақтың еліне, Отанына деген сүйіспеншілігі алдымената-ананың ықпалы мен қалыптасады. «Дәулет есіктен, ақыл бесіктен кіреді» демекші білім бесігі мектептен, тәрбие бесігі отбасынан бастау алады. Отбасының екі тірегі-әлпештеген әке мен аялағантана. Ата-анаға үлкенге қызмет етіп, әкеңнің еңбегін, анаңның ақ сүтін өтеу-біздің борышымыз. Отбасы-адам баласының түп қызығы, алтын ұясы. Адам баласы шыр етіп дүние есігін ашқаннан бастап сол ортаның ыстық-суығына бейімделіп, ықпалына көніп, осында ер жетеді. Отбасы мүшелерінің жауапкершілігі толығымен еразаматқа жүктеледі. Баланы өсіріп тәрбиелеу-әйел ананың тікелей міндеті.

Бұрынғының қарттары дана болған.

Қартты сыйлар жастарда сана болған.

Ата-анадан үлгі алып, жастар да,

Болашағын қорғайтын адам болған.

Расында да, атамыз қазақ «Бала-адамның бауыр еті», «Балалы үй –базар» дейді. Өйткені бала-өмірдің жалғасы, отбасының жеміс берер гүлі. Отбасы-бұл қоғамның негізі. Баланың болашақта жақсы азамат болып өсуі, жан-жақты тәрбиелі болуы отбасында берілетін тәрбиеге тікелей байланысты.

Менің байлығым-отбасым бейне көрініс

ІІ бөлім. Білгенге маржан... Мақал-мәтелді жалғастыр

Әдепті бала ата-анасын мақтатар, ...

(әдепсіз бала ата-анасын қақсатар)

Ана сүтін ақтамағанды, ...

(ешкім жақтамайды)

Әке тұрып ұл сөйлегеннен без,

(шеше тұрып қыз сөйлегеннен без)

Қарағайға қарап тал өсер, ...

(қатарына қарап бала өсер)

Үйінде ұл-қызы бардың, ...

(көгінде сөнбес жұлдызы бар)

Атаңа не қылсаң, ...

(алдына сол келер)

Ұяда не көрсең, ...

(ұшқанда соны ілерсің)

Әдепті бала -арлы бала, ...

(әдепсіз бала –сорлы бала)

ІІІ бөлім. Сан сұраққа бір жауап. Сұраққа жауап беру.(ата-аналарға)

1.Бала тәрбиесі үшін отбасы тәрбиесі басым ба, мектептің ықпалы басым ба?

2.Анашым, мен бүгін сабаққа бармай-ақ қояйыншы, үй тапсырмасын орындай алмадым, текке екілік алып қаламын. Апайға телефон шалып «ауырып жатыр» деп айта салшы... деген өтінішін қалай қабылдар едіңіз?

3.Ата-ана мен бүгін мектепке линейкаға шығып қалдым. Алысып-шулағанымды кезекшілер жазалыпты апайға айтаңызшы... деген сөзін қалай қабылдайсыз?

4.Күніне балаңызға қанша уақытыңызды бөлесіз?

5.Отбасында баланың бос уақыты қалай өтеді?

6.Отбасыңызда бала тәрбиесімен кім айналысады?

7.Бала тәрбиесі жөніндегі көтерілген мәселені кім шешеді?

ІҮ бөлім. «Тығырықтан шығу» тақырыбында жағдаяттық сұрақтар.

1.Саған мұғалімің сеніп, жауапкершілігіңді бағалап ертеңгі мжұмыс тапсырды. Бір себептермен сен ол жұмысты орындап бола алмадың. Не істейсің?

2.Сыныпта тәртібі нашар, сабақ үлгерімі төмен оқушы бар. Ол оқушыға көз қарасың қандай. Сыныптас досың ретінде не айтар едің?

3.Сенің адал досың бар. Оның көңіл-күйі болмай бір жағдаятқа өте алаңдауда. Сенің досыңа көмектесіп көңілін көтергің келеді. Сенің әрекетің, не істейсің?

Ү бөлім.

-Енді мына әңгімеге құлақ салайық:

«Саябақта баласы мен әкесі серуендепжүреді. Әкесі баласынан:

-Балам, мынау ненің даусы?-деп сұрайды.

-Ол құстың даусы,-деп жауап береді.

Сәлден кейін әкесі тағы сұрайды. Бала әуелгі жауабын қайталапты. Әкесі сұрағын тағы да қайталаған да, баласы:

-Ол-құс, құс! Өзім шаршап келе жатырғанда, неге сұрай берсің-деп баласы ренжіпті.

Сонда әкесі:

-Балам, кішкене кезіңде ауыр тірліктен шаршап келгенде сенің «Анау не? Мынау не?»,-деп күніне жүз рет сұрайтын сұрағыңа беті қайтпасын деп үнемі жауап бертінмін.

Әке баласына неге ренжіді?

Сен әкеңе не деп жауап берер едің?

Әкемді ренжітіп алған жоқпын ба деген ой мазалайды ма?

Сонда отбасының ұйытқысы, берекесі, мейір –шапағат көзі-әке. «Әке-асқар тау» дейді халқымыз.

Ата-әке туралы тақпақтар

Енді зейінімізді бері аударып, мына бір әңгімеге құлақ салайық:

Бірде көп балалы ана ұлдарына былай депті:

«-Балапандарым, мен сендерге бір жұмбақ жасырайын, сендер соны шешіңдер. Сендердің бәріңді тоғыз ай бойы абақтыға жауып қойса, одан соң аузыңа өкпе тықса, арқаңды ағашқа таңып қойса, сол адамға не істер едің?»

Болжау: Өз ойларын айтады. Талқылау жұмысы жүргізіледі.

Тұңғыш баласы: Оның басын балтамен шабар едім.

Екінші баласы: Оны мен мылтықпен атар едім.

Үшінші баласы: Оның мұрнын бұзар едім.

Ал кенже баласы: Жоқ, ана мына ұшеуінің жасайтындары ақымақтың ісі. Ал мен болсам, ол адамды аялап өлгенше алақаныма салып аялар едім. Ол мені жаратушы, жарық дүниеге әкелуші адам.…