Менің отбасым бақытты отбасы тәрбие сағаты, 1 сынып

Сабақтың тақырыбы: Менің отбасым-менің бақытым

Сабақтың мақсаты:Отбасы мүшелерінің арасындағы бауырмалдық,қайырымдылық,достық қарым-қатынасты қалыптастыру.

Білімділігі:Оқушылардың өз ортасы,отбасына деген сүйіспеншілік,мейірімділік сезімін ояту.

Дамытушылығы:Оқушылардың мәнерлеп оқу,сөйлеу мәнері,ән-би арқылы ой-өрісін дамыту.

Тәрбиелілігі:Өз елінінің қамынын ойлайтын,ата-анасын,жолдастарын сыйлай білетін азамат тәрбиелеумен қатар ұлттық тәрбиені насихаттау.

Түрі: Ашық тәрбие сағаты

Көрнекілігі:мақал-мәтелдер,отбасы суреттері,жүрекшелер,нақыл сөздер.

Психологиялық дайындық.

Алдымен сүй ата-анаңды,

Үлгілі ұрпақ атадан бата алады.

Бар жақсылық балаға бұл ғаламда,

Мейірімімен ата-ананың жасалады.

Мұғалім:Қайырлы күн,құрметті ұстаздар,ата-аналар,оқушылар.Бүгін біз ғажайып әлем туралы сөйлесеміз.Қалай ойлайсыңдар,ол қандай әлем болуы мүмкін?Ол отбасы,жанұя әлемі.

Қызығушылығын ояту.

Шаттық шеңбері:Балалар шеңберге тұрып өлең жолдарын қайталайды.

Атамнан басталар.

Әжемнен қосталар.

Отбасым мыналар,

Ең жақын адамдар

Әкем мен анам бар,

Бір туған ағам бар,

Бір туған әпкем бар,

Еркелеймін еремін.

Оқушылармен әңгімелесу.

Отбасын кімдер құрайды?

ата

Отбасы

ана аға

әпке іні

қарындас

Мағынаны тану.

Мұғалім:Отбасы-шағын мемлекет.Ол тәләм тәрбиенің,үлгі өнегенің,мейірімділікпен адамгершіліктің ортасы.Адам баласының өмірге келгеннен кейінгі бар тіршілі отбасында өтеді.Отбасы-алтын ұя ,киелі шаңырақ болса,сол шаңырақтың мұрагері,ұрпақ жалғасы балалар болып табылады..Қай ұлттың баласы болса да оның өз отбасы болады.Біздің балалар қазіргі заман талабына сай жан-жақты болуы тиіс.

-Отбасы мүшелеріне кімдер кіреді? (ата,әже,әке,бала,ана)

Әке –ұл-қыздың сүйенер тіреуі.Әке әркімге қымбат.Ол отбасының ең басты мүшесі,яғни,отағасы. «Әкегеқарап,ұл өсер» дегендей,әкенің балаға үйретері көп.Әкесі жақсы болса,баласы соған еліктейді..Әке асқар тау деп бекер айтылмаған. (тау суретін ілу).

Нұрай:Әке – деген биік шың адамның,

Әке-деген тірегі ғой ғаламның.

Шыққан тегің,ол негізің,жаныңда.

Не десең де әке жолы бір бөлек.

Қайда жүрсең қолтығыңнан тұр демеп.

Нағыз әке ақылғөй де,асқар жан.

Барлық ұрпақ әкелерден басталған.

Мейіржан:

Қандай қымбат сөз еді «әке» деген.

Әке емеспе өсіріп мәпелеген.

Ақылмен терең ойлап қарасақ.

Әке деген алдыңдағы парасат.

Өміріңнің өшпей мәңгі іздері,

Артыңыздан ере берсін болашақ.

Нұртас:Әке – асқар тауым! Дегендей,Әке деген қандай жақын,қандай ыстық десеңші!Өмірде әкесін жек көретін бала жоқ шығар,өйткені бала үшін әкенің орны бөлек қой.Менің өмірдегі ең қымбат адамым-сіз,менің сүйікті әкешім.

Сізсіз әке-ең ақылды,ең шыншыл,

Сізсіз әке –ең жақыным,ең сыршыл.

Шуақ шашқан қашанда асыл жүрегің,

Жанымдасың,қамқорымсың білемін.

Қабыл алған бала жүрек тілегін.

Ұлмекен:Әке баласының сүйенер тіреуі.Әке әркімге қымбат.Әкені ардақтай білу керек,өйткені,ол- отбасының ең басты мүшесі,яғни отағасы

Өсірген баптап баласын,

Әкелер әркез жарайсың

Бар өнерін үйреткен,

Оздырғанда жүйріктен

Әке деген-ардақты ат.

Ән: «Әке»

Мұғалім:Ана отбасының жүрегі,отбасының өзегі.Балаға анадан артық жан жоқ.Әрбір ана отының өшпеуін,бақытының көшпеуін,шаңырағының құламауын,сәбидің жыламауын тілейді.Ана деген- тіршіліктің шұғылалы шуағы.(Күннің көзі шығады.

Саят:Ана деген-өмірдің кәусар бұлағы,

Ана деген тіршіліктің шұғылалы шуағы.

Ана деген-теңдесі жоқ ұлылық.

Көз алдымда тұлғаң биік тұрады.

Мұхаммедәли:

Ана жанын ана болсаң ұғарсың.

Балаң үшін биіктен де құларсың.

Ана мейірімі күн көзімен пара-пар.

Өміріме шуақ шашып тұрасың!

Ән: «Анашым»

Мұғалім:Ата-ананың үміт-арманы баласымен жасайды.Бүгінгі ұл-ертеңгі әке,ол әкеге қарап өседі.

Бүгінгі қыз-ертеңгі ана,ол шешесіне қарап бой түзейді.Ата-ана баласына үлгі өнеге көрсете алмаса,онда тәрбиелі бала өсіруі екі талай.Бала ересектерге еліктегіш келеді.Жақсыны да,жаманыда солардан үйренеді.

Ән: «Қос бәйтерегім»