Менің отбасым тақырыбындағы ашық сабақ, балабақша

Білім беру саласы: «Коммуникация»

Ұйымдастырылған оқу қызметі: Қазақ тілі

Тақырыбы: « Менің Отбасым»

Мақсаты: 1. Балалардың отбасы мүшелері жайлы түсініктерін ортаға салу, отбасы мүшелерінің толық аты-жөні, кәсібі туралы білімдерін бекіту, отбасы мүшелері арасындағы туыстық қатынастарын анықтау.

2. Тақырып бойынша әдеби сөздік қорын молайту, байланыстырып сөйлеу дағдыларын қалыптастыру, нақышына келтіріп мәнерлеп айту, ойлау, сөйлеу қабілеттерін дамыту.

3. Балаларды отбасына деген сыйластыққа, кішіпейілділікке, бір-бірлеріне деген сүйіспеншілік сезімдерін тәрбиелеу.

Әдіс – тәсілдер: сұрақ-жауап, әңгімелеу, ойын.

Көрнекіліктер: отбасы мүшелерінің фотолары, жапырақтар, ағаштар, паровоз.

Сөздік қор: мейірімді, нәзік, әдемі, сыпайы, ақылды, мықты, ақкөңіл, күшті, еңбекқор, қамқоршы, қымбатты.

Жүру барысы:

Мұғалім балалармен кабинетке кіреді. Кабинетте қонақтар.

Мұғалім: Сәлеметсіңдер ме, құрметті қонақтар, балғын балалар! Ал біздің балалар қонақтармен қалай амандасады?

Балалар: Армысыздар құрметті қонақтар! Қош келіпсіздер!

Мұғалім: Ал енді, балалар, бүгінгі сабағымызды дәстүрлі сәлемдесу шеңберімен бастайық.

Қайырлы күн, дана атам,

Қайырлы күн, асыл әжем.

Қайырлы күн, асқар әкем,

Қайырлы күн, аяулы анам.

Осындай менің отбасым,

Ал оларда мен бармын!

Мұғалім: Қалай ойлайсыңдар, бәрімізді бірге қалай атауға болады?

Бал: Отбасы деп атауға болады.

Мұғ: Олай болса, балалар, бүгін мен сендерді ерекше бір саяхатқа шақырамын. Дәл солай аталатын елге барамыз. Ойландыңдар ма, қалай аталады?

Балалар: «Менің отбасым» деп аталады.

Мұғалім: Дұрыс айтасыңдар. Немен барғыларың келеді? (Жауаптарын толықтырып отырамын).

Балалар: -Автобуспен барайық (көңілді болады)

-Ұшақпен барайық (тез-ақ жетеміз)

-Кемемен барайық (таза ауа жұтамыз)

- Машинамен барайық (ыңғайлы болады)

- Пойыз, тікұшақ, мотоцикл, велосипед, .......

Мұғалім: Көліктің барлық түрі жақсы. Жаңа мен «пойызбен барайық» деп айтқандарыңды естіп қалдым. Мен де пойызбен баруды ұсынамын. Ал пойызымыз ерекше. Онда вагондар бар. Әр вагонға тек қана билеті бар адамдар ғана отырып, жүре алады. Сонымен, біздің билеттеріміз бар ма?

Балалар: Жоқ.

Мұғалім: Олай болса, сатып аламыз ба?

Балалар: Сатып аламыз.

Мұғалім: Ал билеттерді мен сендердің визиттік карталарыңа сатамын.

(пиктограмма бойынша балалардан сұраймын)

Аты

Сенің атың нені білдіреді?

Саған өз атың ұнай ма?

Мұғалім: Келесі жолаушыларымыз келді, сенің атың кім? Сенің атың нені білдіреді? Сен кімсің? А, саған билет алынып қойылды, ала ғой. ...

Барлығы тіркелді, билеттер алынды. Ал енді вагондарымызға барайық.

(1вагонның балаларына «Сенімен кім барады?» деген сұрақ қойылады)

Мұғалім: Сенімен кім барады?

Балалар: Менімен әжем барады

Менімен атам барады.

Менімен қарындасым барады.

Мұғалім: Бірінші вагон толды. Ал енді екінші вагонның жолаушыларын отырғызайық. (2-ші вагонның балаларына қандай туыстарымен баратынын сұраймын.)

Мұғалім: Сенімен қандай туысың барады?

Балалар: Менімен қамқоршы әкем барады.

Менімен ақылды ағам барады.

Менімен қымбатты анам барады.

Менімен мейірімді әпкем барады.

Мұғалім: Бұл вагонды да толтырдық. Ал енді үшінші вагонымызға отырғызайық.

(отбасы мүшелері не істейтіндерін сұраймын)

Мұғалім: Сенің анаң (әкең, атаң, әжең) не істейді?

Балалар: Менің анам жұмыс істейді.

Менің әжем ән айтады.

Менің әкем емдейді.

Менің атам жүгіреді.

Мұғалім: Ал балалар, Жолдарың болсын! Ал жол көңілді, қысқа болу үшін не істеуге болады?

Балалар: Ән айтуға болады.

(ән айтамыз, сергіту сәтін жасаймыз)

Ән: «Жолға шықтық бәріміз!» («Если с другом вышел в путь» әнінің әуенімен айтылады)

1. Жолға шықсақ бүгінде, - 2р

Ата, әже, аға.

Қарындас пен іні де, - 2р

Әке, ана бәрі.

Қ-сы:

Қорықпаймыз аяздан,

Дауылдар мен жауыннан.

Табылғанда отбасым қасымнан.

Мұғалім: Ал, балалар, біздің тоқтағалы жатқан аялдамамыз, «Генеологиялық ағаш» деп аталады. Жүріңдер, шығып таза ауа жұтып, дем алайық.

Балалар, қараңдаршы, бұл не?

Балалар: Бұл ағаш.

Мұғалім: Бұл отбасы туралы айтылатын ағаш. Ал бұл ағашты кім отырғызды екен?