Менің педагогикалық сенімім туралы эссе

«Бейнеу ауданының әкімдігінің Ж.Қалдығараев атындағы орта мектебі»КММ Технология пәні мұғалімі Иманкалиева Р

Менің педагогикалық сенімім. (ЭССЕ)

Жақсы мұғалім-мектептің жүрегі дегендей,жүрексіз өмір болмас,мұғалімсіз білімнің,тәрбиенің іске аспайтындығы да белгілі, сондықтан да мұғалім өз арнасымен ұзақ жолға шыққан өзен секілді.Өзен өмір бақи қозғалыста болып,алға жылжумен өзеннің тазалығын,мөлдірлігін сақтаса мұғалім жетістігі де бір орнында тұрып қалмай,үнемі ізденіспен қозғалысты,үздіксіз дамуды қажет ететін мамандық.Мұғалім болу үшін-әрине әрбір адам өзіне талап қоя білу керек деп ойлаймын.Сонымен бірге қай адамның балалармен жұмыс істеуге қабілеті бар,сол адам ғана мұғалім деген атаққа ие бола алады.«Лашын құсқа ауа қадірлі,жүйрік атқа дала қадірлі, ата- анаға бала қадірлі» дегендей болашақ саналы ұрпақ-жеке тұлғаны тәрбиелеу мұғалімдер қауымнан терең білім мен үлкен шеберлікті талап етеді, яғни мұғалім еңбегі адамзат қызыметінің ең маңызды да күрделі түрі екенін сезінуіміз керек.Мұғалім жүрек жылуы мен күш-жігерді, тіпті уақытпен санаспай еңбек етуді қажет етеді. Күнделікті өмірде жас ұрпақ бойына сапалы білім, саналы тәрбие сіңіріп, рухани байлықты көзінің қарашығындай сақтауға, адамгершілік қасиеттерді бойларына сіңіруге бар күш-жігерін жұмсауды қажет етеді. Мамандықтардың ішінде жан-жақты білімділікті, икемділікті

Мен технология пәнінен сабақ берсем де, өз сабақтарымда ұлттық тәлім- тәрбие жайында айтып, қазактың ырым-тыйымдары жайында түсініктер беріп, байланыстыра отырып өткізуге тырысамын.Әрбір сабақта балалар жұмыс жасай отырып, ұлттық тәлім- тәрбиені біліп, санасына түйіп, оны әрбір жас ұрпаққа қажеттілігін түсіндіруге жұмыстанамын.Өз сабағымда оқушылырдың шығармашылық жоба жұмыстарының тақырыбы ретінде қолөнер бұйымдарын жасайтын дәстүрлі шикізат және материалдарын түрлендіру саласын кең ауқымды мәселе ретінде қамтимын.

Оқушылырды еңбекке даярлау әрине күрделі де кешенді мәселе екендігін ескере отырып, технология пәнінде қолөнерді негізге алып, оқушылырға ұлттық және шығармашылық бағытта тәрбие беру арқылы еліміздің білімді жастарын тәрбиелеу ұстаздық, аналық борышым деп санаймын.