Менің Қазақстаным менің болашағым балабақшаға

ҚАРАҚИЯ АУДАНЫ ӘКІМДІГІНІҢ «ҒАРЫШКЕР» БАЛАБАҚШАСЫ

МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ

Менің Қазақстаным - менің болашағым!

(ертеңгілік)

Дайындаған тәрбиеші: С.Б. Нурбатырова

Тексерген әдіскер: Б.М.Ертилиева

Жетібай ауылы

2018 жыл

Тақырыбы: «Менің Қазақстаным - менің болашағым»

Мақсаты: Қазақстан Республикасының МемлекеттГимні, Елтаңбасы және Туы туралы білімдерін дамыту. Балалардың сезімталдық, қиялшылдық, естігенін, көргенін қайта жаңғыртып, есте сақтау, есіне түсіріп толқу, жақсылық істеуге талпыну сияқты қабілеттерін дамыту.

Өз республикасын танып –білуге, жақсы көруге, Отанына деген сүйіспеншілікке, патриоттық сезімге тәрбиелеу.

Көрнекілігі: Қазақстан Республикасының картасы (балалардың суреттері жапсырылған түрлі түсті гүлдер), Қазақстан Республикасының мемлекеттік рәміздері.

Қанатты сөз:

Туған жер – алтын бесік.

Отансыз адам - ормансыз бұл-бұл.

Жүргізуші: Рәміздерім – елдігімнің белгісі,

Білу керек бала –дағы ең кіші.

Рәміздерім- ГИМН, КӨК ТУ, ЕЛТАҢБА,

Рәміздерді жатқа білген жөн кісі.

Жүргізуші: Балалар, біздің Отанымыз қалай аталады?

Балалар: Қазақстан.

Жүргізуші: Қазақстан қандай мемлекет?

Балалар: Қазақстан тәуелсіз, егеменді мемлекет.

Жүргізуші: Балалар, бүгін міне Қазақстан Республикасының мемлекеттік рәміздер мерекесі күні. Еліміздің президенті кім?

Балалар: Нұрсұлтан Әбішұлы Назарбаев.

Жүргізуші: Еліміздің елордасы қай қала?

Балалар: Астана.

Жүргізуші: Астана қандай қала?

Балалар: Астана-бас қала, әдемі, үлкен қала.

Жүргізуші: Дұрыс айтасыңдар, балалар.

Отан туралы тақпақтарымызды айтайық.

Мерей: Отан- жерім, Отан- суым,

Отан қуат, нәр береді.

Отан- ұран, Отан- туым,

Отан мәңгі гүлденеді

Санжар: Қуат алған өзінен,

Туған елдің ұлымын.

Бақытты етіп өсірген,

Отанымның гүлімін.

Зарина: Шырқап көкке аспан – ән,

Болашаққа бас қадам.

Қазақ рухын биіктет,

Ей, бас қалам- АСТАНА !

-Балалар, «Қазақстан Республикасының Мемлекеттік рәміздері туралы» Конститутциялық Заң 2007 жылы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде атап өтіледі.

Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік Гимн мемлекеттік рәміздер болып табылады. ( слайдтан көрсету).

Ту – мемлекеттің егемендік пен біртұтастықты бідіретін басты рәміздерінің бірі. «Флаг» термині «vlazg» деген нидерланд сөзінен шыққан және белгіленген көлем мен түстегі, әдетте елтаңба немесе эмблема түрінде бейнелеген, діңгекке немесе бауға бекітілген мата ұғымын білдіреді. Ту ежелден елдің халқын біріктіру және оны белгілі бір мемлекеттік құрылымға сәйкестендіру міндетін атқарып келеді. Қазақстан Республикасының мемлекеттік туы көгідір түсті тік бұрышты. Тудың ортасында шұғылалы күнні суреті, оның астында қалықтаған қыран бейнеленген. Күн, арай, қыран және ою – өрнек алтын түсті.

Тәуелсіз Қазақстанның Мемлекеттік туы ресми түрде 1992 жылы қабылданды. Оның авторы – белгілі суретші Шәкен Ниязбеков.

-Балалар, сендер Мемлекеттік ту жайлы тақпақтар білесіңдер ме?

Жасұлан: Көк аспанда көкпеңбек,

Қазақстан жалауы.

Көк емес ол тектен – тек,

Елдің ашық қабағы.

Ақ ниеті - алтын күн,

Асқақ арман қыраны.

Жалауы бұл халқымның

Мәртебесі, мақтаны.

Данияр: Аспан түстес көгілдір,

Тік бұрышты матаның.

Ортасында төгіп нұр,

Күн жаяды шапағын.

Інжу: Есте белгі, ұрандар,

Сары алтындай сақталған.

Күн шұғыла қыранда,

Алтын түске қапталған.

Жүргізуші: Қазақстан - туған елім, ұлы өлкем!

Құшағыңда қаулап өскен гүлі ертең.

Отаным деп мен өзіңді сүйемін,

Абройыңды асқақтатам мен ертең.

Елім менің, тәуелсіз жерім менің,

Күннен алған шуақты өмір деймін.

Рухы ұлттың өсіпті өлместей боп,

Көк байрағың төбемнен көрінген күн!- дей отырып, Солдатова Маншүктің орындауында «Көк тудың желбірегені» әнін қабыл алыңыздар.

Ән: «Көк тудың желбірегені»

Жүргізуші: Балалар, сендер мемлекетіміздің туы туралы тақпақты жақсы біледі екенсіңдер.