Менің Қазақстаным тәрбие сағаты 3 сынып

Тақырыбы:Мен мықты болсам, Қазақстаным да мықты.

Мақсаты: Тәуелсіз Қазақстан туралы түсініктерін кеңейту,тәуелсіздікті сақтау үшін білімді болу керектігін түсіндіру;өз Отанына,туған жеріне деген сүйіспеншілігін арттырып,өз ана тілін құрметтеп,әдет-ғұрпын, салт-дәстүрлерін сақтауды оқушылардың бойына дарыту,Қазақстан Республикасының рәміздерін құрмет тұтуға тәрбиелеу.Көрнекіліктер: н.Ә.Назарбаевтың суреті,гүл,шар

Мұғалімнің сөзі: «Отан», «Қазақстан»! Қандай құдіретті сөздер өміріміздің бар мақсаты осы сөздердің ауқымына сыйып кетерліктей-ақ. Бұл менің «елім», « жерім», «ұям», «Қазақстан Республикасы»деген сөз. Осынау құдіретті сөзді әрбір Қазақстан Республикасының азаматы асқақ сезіммен, ерекше мақтанышпен айтары сөзсіз. Қазақстан Республикасы- қанаты қатайып ,кемелденген мемлекет.Оның өз алдына отау тігіп, тәуелсіз мемлекет болып, егемендік алғанына 23 жыл толды.Ғасырлар бойы қазақ халқы аңсаған еркіндік, өзін өзі билеу, өзіндік өмір сүріп,тұрмыс құру,өзінің ұлттық сана сезімі,салт-дәстүрі ,тарихы,діні,тілі қалайша қасиетті болмайды?!

Тәуелсіздік үшін күрес қаншама қасиетті болса, сол күрес тарихы да,оның қаһармандарының есімдері де қасиетті.

Астанадағы Тәуелсіз сарайында Елбасымыз Нұрсұлтан Әбішұлы Назарбаев Қазақстан халқына арнап кезекті Жолдауын жариялады.

Жолдаудың «бір мақсат, бір мүдде, бір болашақ» аталуы да көпұлтты Қазақстан халқының өзара бірлігін,татулығын,болашақты бірге құруға ат салысуын меңзеп тұр.Руға,жүзге, ұлтқа бөлінбей,баршамызды «Қазақстан»деген ортақ мүдде біріктіруі қажет екендігін алға тартады.

«Қазақстан -2050»Стратегиясының басты мақсаты-Қазақстан халқының санасын,дүниетанымын өзгерту арқылы өмірін жақсарту,,өмір сапасын күшейту,адамдардың өз өміріне деген көзқарасын өзгерту болатын. Бұл туралы жолдауда Елбасы : «Соның ішінде ең басты мақсат –елімізді дамыған 30 елдің арасына енгізу. Ол мәңгілік Қазақстан жобасы. Ел тарихына нық қадам басатын жаңа дәуірдің кемел келбеті болып табылады»,деді.Сондай-ақ,келешектегі2-3 жылда дуальды техникалық кәсіби білім берудегі ұлттық жүйенің өзегін қалыптастыру керектігін салмақтап айтты.

Елбасы 2012 жылы «Қазақстан -2050» Стратегиясында жастарға үлкен аманат жүктеп: «Мен сіздерге жаңа буын Қазақстандықтарға сенім артамын. Сіздер жаңа бағыттың қозғаушы күшіне айналуға тиіссіздер.»,деген еді.Өйткені ,мемлекетімізде жастардың сапалы білім мен саналы тәрбие алуына,қажетті мамандықты игеруіне ,өз арман мақсаттарын жүзеге асыруларына бар мүмкіндіктер жасалған.

Осы жолдауда патриотизм де тысқары қалған жоқ. Қазақстандық қоғамның өзіндік құндылықтарын айқындап, біріктіретін «Мәңгілік Ел» Патриоттық актісі атты жаңа құжат жасалап,қабылданатын болды.бұл да білім беру саласының мамандары белсене үлес қосуға тиіс іс-шараның бірегейі.

Томирис: Қазақстан –асыл анам,алтын анам тірегім,

Саған деген махаббатқа толы менің жүрегім

Туған жерім-Тәуелсіз Қазақстан бесігім

Өркендету –басты арман-тілегім

Жігер : Отаным менің – өмірімнің айғағы

Бұзылмаған ел ғой әлі қаймағы

Балалық жас лүпілдеген жүректі

Желбіретті Отан қанат жайғаны

Мейірлан: Күндер өтті кешегі,

Жігері құм жасыған

Несіне оны жасырам?

Әнұраным бүгінгі

Баға жетпес асыл ән

Томирис: Қазақстан дейтін менің бар елім

Жатыр алып жарты дүние әлемін

Мен мықты болсам,Қазақстаным да мықты

Бұл далада өскен жанда жоқ арман.

Мейірлан: Бірде шырқап,бірде төмен құлаған

Өмір жолы болған қиын бұралаң

Қазағымды жарқын жолға бастады

Елбасы боп сайланды да Нұрағам

Мұрат:Шықты тарап ой данадан,

Бері қарады жұлдыз беті

Өзі қалап, сайлап алған

Елімнің бар президенті

Жігер:Ауыр күнді артымызға тастауы,

Қиын сәтте қиындықтан қашпауы

Тілім,дінім,ұлтым қайта көгерген

Елбасымыз Нұрағаның бастауы

Мейірлан:Көптен күткен көк байрағы желбіреді

Күннің көзі көктемдей елжіреді

Мұнан ыстық, жалын от барма, сірә,

Отан әнмен жүрегім тербеледі.

«Ән: «Қазақ елі»

Бекарыс: Кең –байтақ қой Қазақстан картасы

Астанамен айшықталған ортасы

Бүгін бізде таңдай қағар күллі әлем

Бұның бәрі Елбасының арқасы

Мұрат : Біз жас ұлан-Қазақстан өркені

Үміт артқан болашағы өркені

Туған елдің даңқын көкке өрлеткен

Гүлге бөлеп жасартамыз өлкені.

Шаттығы жетіп жатыр бір басымнан

Өлеңді жебер жанның сырласымын

Әлемге ғажайып боп аты жеткен

Қазақстан елінің мықтысымын.

Оқушылар шығармашылығы «Мен мықты болсам,Қазақстаным да мықты»

Бекарыс:

Елім менің! Бұл өз үйімнің табалдырығынан басталады.Оның жұпар атқан жусаны,кеудеге құйылған мөлдір ауасы,жотаға өрлеген жалғыз аяқ жолдары, осының бәрі –тұтас тұрған туған ел.

Міне еліміз егемен Қазақстан атанып.Көк туымыз тәуелсіз қазақ аспанында желбірейді.Астанамыз күн сайын құлпырып өсіп келе жатыр.Қала көз алдымызда сәулетті де, сәнді шаһарға айналды.Мен «Тәуелсіздіктің тура жолы-білімде » деген ұранды есте ұстап,көкейіме түйіп,саналы,білімді азамат атану үшін тырысамын.

Тезірек өсіп, ер жетіп Қазақстанның өсіп-өркендеуіне өз үлесімді қоссам деймін.Тәуелсіздіктің тірегі-білім. Ол жағын дана халқымыз «Білегі мықты бірді жығады,білімі мықты мыңды жығады»деген еді.

Мектеп қабырғасындағы үлесім жақсы оқуым деп білемін.Қай кезде болмасын білімді ұрпақ-ел тірегі.Қиялына қанат бітіп,ойы ұшқыр білімді жастар болатынына сенімдімін.Адам елінен,жерінен тыс жерде өмір сүре алмайды.Менің жас жүрегім елім деп, жерім деп,халқым деп,Отаным деп соғады.Мен елім , халқым үшін қызмет етемін. Сондықтан мен мықты болсам, Қазақстаным да мықты болады.

Жігер: Туған еліміздің кең байтақ Қазақстан екенін ес біліп мектеп табалдырығын аттаған сәттен –ақ санамызға құйып,зердемізге сіңіріп өсіп келе жатырмыз.

«Отан оттан да ыстық»деген халық мақалы жай айтылмаса керек.Расында өз ауылымнан ұзап кетсем, ауылымның жерінде жатқан тасқа дейін,жердегі бір уыс топырағына дейін ыстық боп көрінеді ғой , шіркін.Кім өз жерін,елін сүймесін сағынбасын! Әр адамның елі,жері деп мәңгі соғады жүрек.

Отан ана біздерге,яғни жастарға үлкен міндет артады... Ол жеріміздің,еліміздің болашағы ертеңі. Мұқағали атамыз өз өлеңінде «Сән түзеген қалаң мен далаң да болашақта барлығы да сендердікі,жас ұрпақ сендерге аманат етіп…