Менің тәуелсіз Қазақстаным 5 сынып сабақ жоспары

Пән: Қазақ тілі мен әдебиеті

Мектеп: «Ж.Қалдығараев атындағы орта мектеп» КММ

Күні:

Мұғалімнің аты-жөні: К.Мақсымбай

Сынып: 5

Қатысқан оқушылар саны:

Қатыспағандар:

Бөлім атауы:

МЕНІҢ ТӘУЕЛСІЗ ҚАЗАҚСТАНЫМ

Сабақтың тақырыбы

Тәуелсіздік нышандары

Жүзеге асатын оқу мақсаттары

5.А2. Қазақша амандасу мәнері мен ұлттық этикет формаларын пайдалану.

5.Т6.Тыңдалым материалдарының мазмұны негізінде сұрақтарға жауап беру.

5.ТБ1.5. Болымды, болымсыз етістіктерді ауызша және жазба жұмыстарда орынды қолдану.

Сабақтың мақсаты

Барлық оқушылар: Сөйлесім әрекетінің негізінде оқушылардың тәуелсіздік нышандары жайлы ақпараттық ұғымын қалыптастырады.

Көптеген оқушылар: Сұрақтарға дұрыс жауап береді.

Кейбір оқушылар: Диалог құрастырады.

Жетістік критерийлері

Оқушының төменгі жетістігі (ОТЖ): тәуелсіздік нышандары жайлы ақпарат береді.

Оқушының орташа жетістігі (ООЖ): тәуелсіздік нышандары жайлы айтады, сипаттайды.

Оқушының жоғарғы жетістігі (ОЖЖ): тақырып аясында тілдік қарым-қатынас құра алады, сұхбаттасады, тәуелсіздік нышандарына байланысты шағын мәтін құрайды.

Дескриптор

Сұраққа жауап береді.

Қазақ тіліндегі төл дыбыстарды дұрыс айтады.

Диалогтік сөйлесуге қатысады.

Тілдік міндеттер

Лексикалық минимум: Тәуелсіздік нышаны, бейнеленген, қанаттытұлпар, қыран, уық, жолсілтеу, келешек, құрмет, ұлықтау рәсімі.

Құндылықтар

Халықтар достастығы

Пәнаралық байланыс

Қазақстан тарихы

Осыған дейін меңгерілген білім

Менің Тәуелсіз Қазақстаным

Жоспарланатын уақыт

Жоспар бойынша орындалуы тиіс іс-әрекеттер

Дереккөз-дер

Сабақтың басы

1.Ұйымдастыру.

Оқушылар шеңберге тұрып «ДОСТЫҚ» сөзінің әр әрпіне екі сөзден айтып шығады.

Сабақтың мақсаты мен бағалау критерийлері, дескрипторлар талданады.

Сабақтың ортасы

Оқушылардың жаңа сабаққа деген қызығушылығын ояту мақсатында «Мемлекеттік рәміздер» тақырыбында ой шақыру сұрақтарын қояды:

—Балалар, мемлекеттік рәміздерге не жатады?

Топт.Төлқұжатта, туу туралы куәлікте, орта білім туралы аттестатта құжаттарда бейнеленген ........... (Елтаңба)

2.Президент резиденциясында, Үкімет үйінде ілулі тұрады. Барлық мекемелерде бар. ........... (Ту)

3.Республика, облыс, аудан көлеміндегі маңызды салтанатты мәжілістерде орындалады. ........... (Әнұран)

4. Елтаңба, ту, әнұран – бұлардың бәрі .............. (мемлекеттік рәміздер)

5. Мемлекеттік рәміздер туралы не білеміз?

Үш топқа «Елтаңба, Байрақ, Әнұран» сөздері бөлініп беріледі.

Оқушыларға осы сөздерден басқа сөздер жазу, құрастыру тапсырылады.Елтаңба Байрақ ӘнұранЕл Бай ӘнТаңба ай ҰранТаң қар ҰнАң ар нан Ту – мемлекеттің егемендік пен біртұтастықты білдіретін басты рәміздерінің бірі. Ту ежелден елді біріктіру және оны белгілі бір мемлекеттік құрылымға сәйкестендіру міндетін атқарып келеді.

1992 жылы қабылданды. Авторы –суретші Шәкен Ниязбеков.

Oртасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында тік жолақ түрінде ұлттық өрнек нақышталған. Күн, оның шұғыласы, қыран және ұлттық өрнек бейнесі алтын түстес.

Aспандай көк түс адам бойындағы адалдық, тазалық, сенімділік, мінсіздік сияқты қасиеттерді білдіреді. Одан бөлек көк түс ашық аспанды, бейбітшілікті, игілікті білдірсе, түстің біркелкілігі еліміздің тұтастығын меңзейді.

Күн байлық пен молшылықты, өмірді және күш-қуатты бейнелейді.

Қыран (бүркіт) бейнесі – бұл бейне әдетте биліктің, қырағылық пен мәрттіктің символы ретінде қабылданады. Күн астында қалықтаған бүркіт мемлекеттің қуат-күшін, оның егемендігі мен тәуелсіздігін, биік мақсаттар мен жарқын болашаққа деген ұмтылысын танытады. Қазақтың түсінігінде, бүркіт – бостандық пен адалдық, өрлік пен ерлік, қуат пен ниет тазалығы тәрізді ұғымдармен ұштасып жатады.

Қазақ ою-өрнектері – дүниені көркемдік тұрғыдан қабылдаудың халықтың эстетикалық талғамына сай келетін ерекше бір түрі. Тудың сабын жағалай салынған ұлттық өрнектер Қазақстан халқының мәдениеті мен дәстүрін символдық тұрғыда бейнелейді.