Менің университетім туралы қысқаша мақала үлгісі

Менің университетім – менің болашағым

Әл-Фараби атындағы Қазақ ұлттық университеті – мен үшін жай ғана оқу орны емес, бұл – менің екінші үйім, үлкен арманымның алғашқы баспалдағы. Мен осы киелі шаңырақтың қабырғасында білім алып жатқанымды әрдайым мақтанышпен айтамын. Бұл университет маған тек білім ғана емес, өмірлік бағыт-бағдар беріп, адам ретінде қалыптасуыма үлкен әсер етуде.

Мен механика-математика факультетінде, ғылыми математика мамандығы бойынша білім алып жатырмын. Бұл мамандық – терең ойлауды, үздіксіз ізденісті, логикалық дәлдік пен жоғары төзімділікті талап етеді. Біреулер үшін математика тым күрделі, тіпті суық ғылым болып көрінуі мүмкін. Бірақ біз үшін математика – сұлулықтың, үйлесімнің, шексіз мүмкіндіктің әлемі. Ол тек есеп-қисап қана емес, ол – ақыл-ойдың биік шыңы. Әрбір теорема, әрбір дәлел – табиғаттың заңдылығын түсіндіретін кілт сияқты.

Қазіргі таңда мен магистратурада оқып, ғылыми зерттеу жұмыстарымен шұғылданып жүрмін. Менің диссертациялық жұмысымның тақырыбы – Пуассон теңдеуі және тығыздық функциясы арқылы берілген шешімнің қасиеттерін зерттеу. Бұл тақырып, бір қарағанда, тек абстрактілі болып көрінуі мүмкін. Бірақ оның қолданбалы маңызы зор: физикадағы потенциалдық өрістерден бастап, инженерлік есептеулерге дейін кең ауқымды қамтиды. Зерттеу барысында мен математиканың нақты өмірдегі күрделі құбылыстарды сипаттап, түсіндіруге қалай көмектесетінін көбірек түсіне бастадым.

Университет қабырғасында жүріп, мен ғылымға ғана емес, тұлғалық дамуға да баса назар аудару керектігін ұқтым. Сол себепті мені ерекше қызықтырған тақырыптардың бірі – «Басқарушылық өзара әрекеттегі тұлға» болды. Бұл сабақта біз жеке адамның ішкі әлеуетін қалай дамытуға болатынын, көшбасшылық қасиеттерді, эмоциялық интеллект пен қарым-қатынас мәдениетін қалай қалыптастыру керектігін үйрендік. Қазіргі заманда білім ғана емес, сол білімді дұрыс жеткізу, ұжымда жұмыс істей білу, өз ойыңды сенімді түрде айту – өте маңызды қабілеттерге айналды.

Арасында тіпті педагогикалық практикадан да өтіп үлгердім.Бұл бізге үлкен тәжірбие болды, осы орайда басқару психологиясынан үйренген заттарды да қолдандық.

Біздің университет – тек дәріс тыңдайтын орын емес. Мұнда түрлі ғылыми жобаларға қатысып, конференцияларда баяндама жасап, түрлі үйірмелер мен клубтарда шығармашылық қабілетімізді дамыта аламыз. Сонымен қатар,…