Монтессори әдісін қолдану сабақ жоспары 4 сыныпқа

Тақырыбы:Мүмкіншіліктері шектелген балаларды түзете-дамыту жұмыстарында Монтессори әдісін қолдану (топтық жұмыс)

Мақсаты:

балаларды еркін тәрбиелеп, өмірге бейімдеу;

өмірде өз мақсаты бар екенін қалыптастыру;

балалардың өзінің үйреніп, өзін дамытуына жаңа мүмкіндіктер беру

Сабақтың барысы:

Ұйымдастыру кезеңі.

Балалар шеңбер жасап тұрады.

Монтессори маман қолындағы қоңырауды сылдырлатып:

-Ал,қанеки,балалар

Ойнайықшы сылдырмақ.

Әдемі, бізге сылдырлат,

Келесіге ойнап-ап,

Бере салшы сылдырмақ.

Қоырауды балалар сылдырлатып, бір-біріне береді. Бұл жерде балалар бір затты бір-біріне беруді, өзара қарым-қатынасқа түсуді үйренеді.

Монтессори маман: Жарайсыңдар балалар. Енді қалаған аймақтарыңа барып, қалаған жаттығуларыңмен шұғылдануға болады.

Балалар еркін қимылдап, қалаған Монтессори құралын алып, ойнай бастайды.

Сол кезден бастап Монтессори маман бөлмеге үнтаспадан жәй әуенді жіберді.

Маман: Балалар,сендер өздерің де білесіңдер әуеннің басталғаны сабақтың басталғанын, ал тоқтағаны аяқталғанын білдіреді.

I- бала Сабит

Райымбек саусақ бассейнін үстел үстіне әкеліп ойнай бастады.

Мақсаты: Ішіне әр түрлі ақ , қызыл фасолдар толтырылған ыдыстың ішіне жасырылған кішкентай ойыншықтарды табу.

Жанама мақсаты: Ұсақ моториканы және есте сақтау қабілетін дамыту.

Маманға бірге ойнайық дегенді ишарамен түсіндірді.

Монтессори маман: Райымбек, мынау ақ күшік пен қоңыр күшік. Мен осы күшіктерді бассейннің ішіне жасырамын, ал сен тауып аласың.

Райымбек бар ынтасымен екі қолын тесік арқылы бассейнге салып, күшіктерді іздей бастады.Тауып алып маманға беріп, енді өзі жасыратынын, ал маманға көзін жұмуды ыммен түсіндіреді. Ойынның Райымбекке ұнағаны сондай ол қайта-қайта осы ойынды ойнады. Осы ойыннан соң үстел үстінде тұрған қызғылт мұнараны құрастыра бастады.

Қызғылт мұнара.

Мақсаты:Көлемі әртүрлі кесектерден мұнара тұрғызу.

Жанама мақсаты: Көлемді көру арқылы қабылдауды дамыту.Үлкен-кіші деген ұғымдарды енгізу.

Райымбек маманның көмегімен мұнараны тұрғызып шықты.

II-бала- Нұртілеу

Әдемі үстел үстіне күнделікті өмір жаттығулары аймағынан түймелі раманы алып келді.

Түймелі рама.

Мақсаты: Түймелерді ағытып және тағып үйрену.

Жанама мақсаты: Ұсақ моториканы дамыту, зейін тұрақтандыру.

Әдемі түймелі раманы жасап болғасын орнына іліп қойды.Содан соң ішінде пинцеті, моншақтары бар подносты алды.

Мақсаты: Пинцетпен моншақтарды ұстап ұяшықтарға салу.

Жанама мақсаты: Ұсақ моториканы дамыту, шыдамдылыққа, ұқыптылыққа үйрету.