Мұғалім әлемдегі ең үздік мамандық мақаласы

«Ш. Уәлиханов атындағы № 18 жалпы орта білім беретін мектебі» КММ

Бастауыш сынып мұғалімі Мектепбаева Балгын Серикбаевна

Эссенің тақырыбы: «Мұғалім - әлемдегі ең үздік мамандық»

Мамандық – адам өміріндегі маңызды таңдау . Жалпы біз мамандық таңдауда қателеспегеніміз жөн . Жүрек қалауымен таңдалған мамандық әрқашан адамның өмір жолында ажырамас серігі екенін ұмытпағанымыз дұрыс. Әлемде сан алуан мамандықтың түрлері бар . Соның ішінде мәртебелі әрі қадірлі мамандық ол –мұғалім . Сіз Мұғалім әлемдегі ең үздік мамандық деген оймен келісесіз бе? Бұл ойды талқыламас бұрын , алдымен мұғалім деген кім деген сұраққа жауап іздеп көрейік . Мұғалім сөзіне терең бойласақ,ол- халық арасындағы мәртебелі тұлға. Мұғалімнің орны ұлт үшін әрдайым елеулі болып қалмақ .Тәжірибелі шебер ұстаз кез-келген қоғамға қажет Ахмет Байтұрсынұлы «Мұғалім –мектептің жүрегі» деп бекер айтпаған . Оқу ордасының мәні де, сәні де- ұстаз . Жас ұрпақтың білімге деген құштарлығын ашып қана қоймай ,тәлім –тәрбие беруді мойнына алған ұстаздықтың қыр-сыры жетерлік . Мұғалім сөзіне толық жауап таба алдық деп ойлаймын .Ендеше жаңағы пікірге қайта оралайық.

Менің ойымша , мұғалім-әлемдегі ең үздік мамандық деп есептеймін . Себебі баланың жеке дара тұлға ретінде қалыптасуында ұстаздың атқарар рөлі зор . «Ұстаздық еткен жалықпас , үйретуден балаға» деген сөздің мағынасы тереңде жатыр. Расында ұстаз балаға әрдайым бар білгенін аянбай үйрететін,сені шыңдайтын , жетістікке жетелейтін , жалғыз жан ретінде санаңда мәңгі сақталатын адам . Мемлекеттің дамуында ұстаздар ойып тұрып орын алады. Өйткені саналы , зерек ұрпақты қалыптастыратын сол кісілер,Адам өмірінде өзіне хат танытқан алғашқы ұстазын мәңгі есінде сақтайды. Мұғалім болу Мұғалімнің қолынан кімдер дәріс алмайды десеңші , президент те,әнші де әртіс,шенеунік те мектеп қабырғасындағы ұстаздарынан білім алып шыққанын ұмытпауымыз тиіс , олардың бүгінгі ел билер тұлға болуы , көпшілік халықтың тануы бірден-бір өзіне ең алғаш қолына қалам ұстатқан ұстаздарымыздың арқасы деп білемін.