Мұғалім мен оқушы қарым-қатынасы туралы эссе 10 сынып

Оқытушы мен оқушы арасындағы қарым-қатынас

Алматы мемлекеттік көлік және коммуникациялар колледжі

Бейсетбаева Гүлайым Абаевна, «Жаратылыстану ғылыми

пәндері» цикл әдістемелік комиссиясы төрайымы

«Тәрбиесіз берілген-білім адамзаттың қас жауы, ол келешекте оның өміріне апат әкеледі»

Әбу – Насыр Әл – Фараби

«Балалық шақ» - адам өмірінің аса маңызды кезеңі, сондықтан балғынды жетелеушісінің қандай адам болғаны, оның жүрегіне, жан дүниесіне ненің жол тапқаны, осының бәрі болашақта қандай адам болып шығатыны әсер етеді,

Тәрбие – педагогика ғылымдарының негізгі категориясы, ол адам тағдырын ойластырады, болжайды, алыс пен жақын адамдарға, қоршаған ортаға қатынас орнатады. Тәрбие ұлылар өсиетін сақтата отырып, олардың адамгершілік құндылықтарын ұрпақтан – ұрпаққа жеткізеді.

ХХ – ғасырдың ірі тұлғаларының бірі Мағжан Бекенұлы Жұмабаев ақын ғана емес, өз заманының ұлы педагогтарының бірі болғаны баршамызға мәлім.

Мағжан Жұмабаевтың педагогика саласындағы әрбір еңбегінде қазақ халқының ежелден келе жатқан тәрбиесіне мән беру, даланың табиғи мінезі ерекше көрініп тұрды. Ол өзінің педагогикасында оқушыларды ұлтқа деген сүйіспеншілік тұрғысында тәрбиелеу керектігін ерекше айтады. «Ұлт тәрбиесі – баяғыдан сыналып келе жатқан жол болғандықтан, әрбір тәрбиеші сөз жоқ, ұлт тәрбиесімен таныс болуы тиіс. Сол ұлт тәрбиесімен тәрбие қылуға міндетті» - деп егеменді елдің егемен мектебі болуын қалаған. Өйткені оқушыны ұлттық рухта тәрбиелеп шығару, тек ұлт мектебінің қолынан келеді десе.

«Тәрбие деген не» - деген сұраққа.

«Тәрбие кең мағынада алғанда, қандай да болса бір жан иесіне тиісті азық беру, дұрыс өсуіне көмектесу деген сөз.Тәрбиелеудің мақсаты - адамды шын мағынасында адам қылып шығару», - дейді.

Президенттіміз Н.Назарбаев өзінің «Қазақстан 2050» жолдауында: «Оқушыларды патриотизм мен шығармашылық жағынан дамыған жеке тұлға ретінде тәрбиелеу аса қажет..., бүгіннен бастап ұлттық мінез-құлық, биік талғампаздық, тәкәппарлық, тектілік, білімділік, биік талғам, ұлттық намыс қасиеттерін сіңіріп қалыптастыруымыз керек» - деген ұлағатты сөздермен қазіргі жас ұрпақтың тәлім – тәрбиесіне, жан – жақты білім алуына назар аударып, қамқорлық жасау қажеттілігін алдымызға міндет етіп қойды.