Мұқағали мәңгілік ғұмыр сыныптан тыс жұмыс

Бекітемін:

Мектеп директоры:

__________ А.М. Абдуахитов

Ақмола облыстық білім басқармасы

Зеренді ауданы

«Исаковка орта мектебі» КММ

Өткізген: қазақ тілі мен әдебиеті пәнінің мұғалімі

Ерлан Алмажан

2016-2017 оқу жылы

«Мұқағали – мәңгілік ғұмыр» атты

Мұқағали оқуларының

СЦЕНАРИЙІ

Мақсаты:

Қазақ поэзиясының мұзбалағы атанған ақынның өмірі, шығармашылы-ғы туралы мәліметтермен таныстыру. Ақын өлеңдері, әндері арқылы оқушылардың Отанға, халқына, тілге деген сүйіспеншілік сезімдерін ояту, отаншылдыққа тәрбиелеу.

Қайырлы күн, құрметті өлең сүйер, өнер сүйер оқушылар мен ұстаздар! Бүгінгі мектебіміздің оқушылары арасында өткелі отырған «Мұқағали – мәңгілік ғұмыр» атты Мұқағали оқуларына қош келдіңіздер!

Бүгін менің туған күнім,

Ой пәлі – ай!

Мына адамдар неге жатыр тойламай?

Банкет жасап берер едім өзім-ақ,

Тәңірімнің жарытпай-ақ қойғаны-ай! – деп мұңданған ақынның өмірден өткеннен кейінгі туған күндері халық болып тойланатын болды. Бүгін де сіз бен біз боп ұлы ақынымыздың туған күніне жиналып отырмыз. Бірақ арамызда ақынның өзі емес, ақынның албырт жырлары мен жансыз суреттері.

Қарасаз, қара шалғын өлеңде өстім, Жыр жазсам, жұртым оған елеңдестің. Өлсе өлер, Мұқағали Мақатаев, Өлтіре алмас, алайда өлеңді ешкім! – деп ақынның өзі жырлағандай, оның өлеңі өмірден өзі кетсе де өшпей, ұрпақтан-ұрпаққа жалғасып келеді. Олай болса, біз бүгін өздеріңізбен бірге қазақтың қара өлеңінің құдіретін ұғынған, «поэзия» атты тұңғиық теңізде еркін жүзген, жырларын қазақ жастары жанына жақын балаған, мәңгілік жырдың марғасқасы Мұқағали әлеміне сапар шегеміз!